Asus Zenfone 6 ZS630Kl مواصفات وسعر أقوى موبايل من أسوس
Not allow reviews
فلاج شيب جديد وقوى من شركة أسوس وشكله رهيب جدا و تقريبا كله شاشة وده لأن الكاميرا الأمامية موجودة فى جزء زيادة فى الموبايل وبتنزلق لفوق وبترجع تتقفل تانى لتحت
Descriptions
شركة Asus بتقدم فلاج شيب قوى جدا وديه بصراحة حاجة اتعودنا عليها من الشركة لنها دايما بتقدم أجهزة ممتازة من ناحية اتلشكل و المواصفات و الجهاز المرادى جمع بين الاتنين
الشكل الممتاز جدا معا شاشة كاملة و الأداء القوى و السريع وكمان سعة البطارية العالية
مواصفات الموبايل
الموبايل بييجى بشكل جميل جدا وبيكون مصنوع منخامات من الزجاج معا اطارات من الألومنيوم و ميزة الزجاج انه بيديك احساس ان الموبايل قيمته كبيرة و Premium على عكس الموبايلات المصنوعة من البلاستيك
وزن الموبايل 190 جرام بأبعاد 159.1 x 75.4 x 9.2 mm (6.26 x 2.97 x 0.36 in)
ألوان الموبايل Midnight Black, Twilight Silver
الشاشة 6.4 انش من نوع IPS LCD بدقة 1080x2340 بيكسل بكثافة 403 بيكسل لكل انش وبتيجى بخاصية HDR 10 وبتيجى بطبقة حماية Corning Gorilla Glass 6
الموبايل بيدعم تركيب شريحتين اتصال فى نفس الوقت معا كارت ذاكرة خارجى
نظام التشغيل Android 9.0 Pie بواجهة ZenUI 6
الكاميرا الخلفية بتكون مزدوجة
- 48 MP, f/1.8, (wide), 26mm (wide), 1/2", 0.8µm, Laser/PDAF
- 13 MP, f/2.4, 11mm (ultrawide)
الكاميرا بتدعم Dual-LED flash, HDR, auto panorama (motorized rotation)
الفيديو 2160p@30/60fps, 1080p@30/60/240fps, 1080p@30fps, 720p@480fps; gyro-EIS (except @240/480fps)
الكاميرا السيلفى بتكون Motorized flip-up main camera module
و بتدعم Dual-LED flash, HDR, auto panorama (motorized rotation)
الفيديو 2160p@30/60fps, 1080p@30/60/240fps, 1080p@30fps, 720p@480fps; gyro-EIS (except @240/480fps)
المعالج بيكون Snapdragon 855 بتكنولوجيا 7 نانو اللى بتقوم بتخفيض استهلاك البطارية بصورة كبيرة
و المعالج ده يعتبر أقوى معالج لاجهزة الأندرويد
المعالج الرسومى Adren 640 اللى مفيش أى لعبة هتكون مشكلة بالنسباله
الموبايل بييجى ب نسختين
النسخة الأولى 256 جيجا بايت ذاكرة تخزين داخلية معا 8 جيجا بايت رام
النسخة التانية 128 جيجا بايت ذاكرة تخزين داخلية معا 6 جيجا بايت رام
طبعا معا امكانية تركيب كارت ميمورى لحد 1 تيرا بايت فى منفذ منفصل
البطارية بتيجى بسعة 5000 ميللى أمبير وديه طبعا سعة كبيرة ورهيبة
وكمان بتدعم الشحن السريع بقدرة 18W بخاصية Quick Charge 4.0
و منفذ الشحن بيكون USB Type C
سعر الموبايل 560 دولار تقريبا يعنى حوالى 9500 جنيه
مميزات الموبايل
- يدعم مستشعر بصمة فى الضهر
- يدعم راديو FM و مدخل سماعات 3.5 ميللى
- بييجى ببطارية عملاقة وممكن ما تتشحنش غير مرة واحدة بس فى اليوم
- يدعم خاصية الشحن السريع و منفذ شحن Type C
- الكاميرات ممتازة جدا وتعتبر من أفضل الكاميرات الموجودة
- أقوى موصفات داخلية و أسرع أداء
- يدعم تركيب شريحتين اتصال معا كارت ميمورى فى نفس الوقت
عيوب الموبايل
- نوع الشاشة مش أموليد
- سعره عالى الى حد ما
الموبايل بصراحة ملوش عيوب خالص لأنه فيه كل المميزات اللى أى مستخدم يتمناها وكمان محافظ على التفاصيل الصغيرة اللى كلنا بنفضلها زى مثلا مدخل 3.5 ميللى و استخدام كارت ميمورى معا شريحتين اتصال
صعب جدا اننا نلاقى موبايل فلاج شيب دلوقتى فيه المواصفات ديه كلها وخصوصا البطارية ال 5000 ميللى أمبير و الرامات و الذاكرة التخزينية الكبيرة
ده غير طبعا فكرة الكاميرا ال Pop-Up الممتازة جدا وبتدينا شاشة كاملة
و الكاميرات فى حد ذاتها رهيبة جدا وجودتها ممتازة جدا