Apple Flexible IPhone Z جهاز واحد فيه 5 أجهزة مواصفات وسعر موبايل أيفون القابل للطى
او موبايل قابل للطى من أيفون واللى هيكون أكبر مفاجأة من الشركة وطبعا بييجى بمواصفات قوية جدا وشكل ولا أروع
كل تسريبات الموبايل وتفاصيله
Descriptions
Flexible IPhone Z
شركة Apple قررت انها تنافس سامسونج وهواوى فى الموبايلات القابلة للطى وظهر تسريبات عن الموبايل الجديد Z اللى ممكن يتنى بوجود 3 أجزاء للموبايل
وده اللى اداله اسم Z لأنه ممكن يتنى على شكل حرف Z وممكن يتقلب تابلت أو لاب توب أو موبايل عادى وكمان فيه Selfie Mode وأكيد القرار ده بعد ما سامسونج أعلنت عن Galaxy Fold اللى كان أول موبايل قابل للطى وبعدها Huawei علت المنافسة باعلانها عن Huawei Mate X ودلوقتى Apple قررت انها تغير مفهوم الموبايلات القابلة للطى بانتاج موبايل متعدد الأستخدام واللى هنتكلم عن كل وضع فيهم
الموبايل بيحتوى على
شاشة مرنة قابلة للطى بحجم 10.4 انش من نوع Super Retina HD بدقة 3876x2758 بيكسل بكثافة بيكسلات 458 بيكسل لكل انش وبتكون bezel-less يعنى من غير حواف خالص
وشكل الموبايل وتصميمه جميل جدا وحاجة مبهرة جدا خصوصا الاطارت الذهبية اللى حوالين الموبايل معا تدرج الألوان الأسود والرمادى فى الضهر بيدى شكل تحفة حتى شعار أبل و الكاميرات الخلفية حواليها اطارات ذهبية عشان يكتمل شكل الموبايل الجميل جدا
الموبايل بييجى ب 3 كاميرات أساسية
الأولى 15 ميجا بيكسل Telphoto Camera
التانية 15 ميجا بيكسل Wide Angle
التالتة 15 ميجا بيكسل Ultra Wide Angle
و بيدعم
منفذ شحن USB Type C
و كمان بيدعم Face ID و بيدعم مستشعر بصمة أسفل الشاشة
ده غير أكيد مفاجأت تانية كتير
لكن التسريبات كانت بتتكلم أكتر عن أوضاع الموبايل اللى هتكون كالأتى
وضع الموبايل
فى الوضع ده الموبايل بيتنى فوق بعضه وبيبقى موبايل عادى بشاشة 6.6 انش وطبعا مبيبقاش فيه كاميرا سيلفى لأن ليها وضع خاص بالسيلفى
وضع التابليت
وده بيبقى الموبايل مفيهوش أى طى وبيكون حجمه كبير بشاشة 10.4 انش وومكن استخدامه زى أى أيباد و ده أفض استخدام ليه بيكون فى الجيمنج لأنه بيديك مساحة رهيبة جدا وتقدر تلعب براحتك
وضع السيلفى
وفى الوضع ده الموبايل بيتنى مرة واحدة بحيث ان الكاميرا ان الجزء اللى فيه كاميرا خلفية يكون فوق الشاشة وبكده ممكن نستخدم الكاميرا الخفية فى التصوير السيلفى والصورة تكون فى الشاشة اللى تحت
وضع اللاب توب
وفى الوضع ده الموبايل بيتنى أول جزء منه ويكون وظيفته انه يسند الموبايل و الجزء التانى بيكون مائل كأنه شاشة لابتوب و الجزء الأخير بيكون منبسط وبنستخدمه زى الكيبورد
وضع الشاشة
وده أخر وضع للموبايل وفيه الموبايل بيكون متنى منه جزء واحد و الجزءين التانيين مفرودين فوقيه عشان تبقى شاشة مائلة و الوضع ده مخصص للمشاهدة بشكل عام من غير ما تتضطر تمسك الموبايل وده خبر حلو جدا لعشاق الأفلام
المميز جدا فى الموبايل ان نظام IOS فيه بيعمل أوتوماتيكيا بذكاء كبير بمجرد ما تحول الموبايل لأى وضع بتلاقى ان الجزء اللى ملوش استخدام مش شغال و الأجزاء التانية هيا اللى بتشتغل وده مثلا بيبقى واضح فى وضع اللاب توب اللى أول ما بيتحول بنلاقى ان الجزء اللى تحت بقا فيه كيبورد ونفس الكلا لوضع السيلفى اللى بشغل الشاشة الرئيسية بس
و الميزة الرهيبة ديه بتخليك تقدر تستمتع ب 5 أجهزة مش جهاز واحد وتقدر تستخدمهم بسهولة وتنتقل بينهم بمرونة ومن غير أى مشاكل
سعر الموبايل هيكون مش أقل من 2900 يورو يعنى حوالى 55 ألف جنيه وده طبعا سعر رهيب جدا بس الموبايل بعيدا عن سعره هوا كفكرة يعتبر من أحسن الأفكار فى عالم الموبايلات ومستنين انها تطبق بصورة نهائية ونشوف شكل الموبايل النهائى والسعر الأكيد