Alcatel 3L مواصفات وسعر

Not allow reviews
واحد من أقوى الأجهزة من شركة ألكاتيل واللى الشركة أعلنت انه بقا متاح بشكل رسمى ابتدائا من شهر مارس اللى فات والموبايل شكله جميل جدا ومن أهم منتجات الشركة اللى بتحاول بيه انها ترجع تانى للمنافسة

Descriptions

Alcatel 3L
شركة ألكاتيل نقدر نقولها عودة موفقة بعد ما كانت ابتعدت لفترة كبيرة عن المنافسة ولكنها  بعد انتاج أجهزة جديدة بمواصفات قوية قدرت ترجع من تانى للمنافسة وابتدينا نشوف أشكال جديدة لموبايلاتها بالتريندات الموجودة حاليا وأهمهم ال WaterDrop Notch 

مواصفات الموبايل
وزن الموبايل 145 جرام بأبعاد 151.1 x 69.7 x 8 mm (5.95 x 2.74 x 0.31 in) 
وشكله جميل جدا معا تشابه كبير بينه وبين Alcatel 3 باعتبار أكيد انهم سلسلة واحدة 
الشاشة بتكون 5.94 انش من نوع IPS LCD بدقة 720x1560 بيكسل بكثافة 289 بيكسل لكل انش وطبعا بتيجى بالنوتش الصغيرة و بطبقة حماية Asahi Dragontrail Glass
نظام التشغيل بيكون Android 8.1 Oreo 
الموبايل يدعم تركيب شريحتين اتصال أو تركيب شريحة اتصال واحدة معا كارت ميمورى مكان الشريحة التانية 
ألوان الموبايل Anthracite black, Metallic Blue

الكاميرا الخلفية بتكون مزدوجة
الكاميرا الأولى 13 ميجا بيكسل بفتحة عدسة F2.0 
الكاميرا التانية بتكون مستشعر للعمق 5 ميجا بيكسل 
الكاميرا بتدعم HDR و Panorama و فلاش ليد 
وبتصور فيديو بدقة 1080p بمعدل التقاط 30 اطار فى الثانية 
أما الكاميرا السيلفى فبتكون كاميرا واحدة 8 ميجا بيكسل بفتحة عدسة F2.0 و بتدعم HDR و بتصور فيديو بدقة 720p

المعالج بيكون Snapdragon 429 من Qualcomm ويعتبر كويس ولكنه قديم 
و المعالج الرسومى بيكون Adreno 504 وهوا معالج متوسط ولكن هيساعدك فى تشغيل الألعاب من غير مشاكل
الموبايل بييجى برامات 2 جيجا بايت معا ذاكرة تخزين داخلية 16 جيجا بايت 
وطبعا ممكن تركيب كارت ميمورى لحد 128 جيجا بايت فى منفذ الشريحة التانية

البطارية بتيجى بسعة 3500 ميللى أمبير وللأسف مبتدعمش الشحن السريع معا ان الميزة ديه بقت أساسية بصورة كبيرة فى كل الموبايلات 
ومنفذ الشحن بيكون Micro USB 2.0
سعر الموبايل بيكون 160 دولار يعنى حوالى 2750 جنيه 

مميزات الموبايل 
. يدعم مستشعر بصمة فى الضهر
. يدعم راديو FM و مدخل سماعات 3.5 ميللى
. يدعم تركيب كارت ميمورى
. البطارية سعتها كبيرة

عيوب الموبايل
. لا يدعم خاصية الشحن السريع
. المعالج ضعيف وقديم 
. الكاميرا السيلفى أداءها سيئ
. لا يدعم تركيب شريحتين اتصال معا كارت ميمورى فى نفس الوقت 

الموبايل اسمه L لأنه النسخة ال Lite من Alcatel 3 ولكنه مواصفاته متوسطة جدا والشاشة جودتها متوسطة معا أداء ضعيف وكاميرات عادية و كمان رامات ضعيف ومساحة تخزين قليلة و الغريب ان سعره 2750 جنيه فبصراحة نقدر نقول ان على الرغم من ان الشركة بتحاول ترجع تنافس من جديد وانها بتطور من أجهزتها الا ان الموبايل ده محتاج تطوير فى نقط كتير أو تعديل فى السعر وننصحكم ب Realme 3 Pro اللى يعتبر أفضل منه بمراحل وسعره قريب منه  


Similar Products

1381637587638467904