ZTE Axon 10 Pro 5G مواصفات وسعر أقوى موبايل أندرويد
الشركة الصينية متخصصة فى صناعة أجهزة متطورة جدا وأغلب أجهزتها بتكون موجهة لعشاق الألعاب زى ما شفنا فى أجهزتها السابقة اللى كانت بتتفوق فى الألعاب وغير كده الشركة دايما موبايلاتها مختلفة سواء فى الشكل أو المواصفات وهنشوف الكلام ده فى موبايل النهاردة
Descriptions
ZTE Axon 10 Pro 5G
الشركة الصينية متخصصة فى صناعة أجهزة متطورة جدا وأغلب أجهزتها بتكون موجهة لعشاق الألعاب زى ما شفنا فى ZTE Nubia X اللى كان معمول بشاشتين وزراير مخصصة للمساعدة فى الألعاب وغير كده الشركة دايما موبايلاتها مختلفة سواء فى الشكل أو المواصفات وهنشوف الكلام ده فى موبايل النهاردة
مواصفات الموبايل
طبعا شكل الموبايل جميل جدا و الحواف تقريبا معدومة وده بيخلى شكله كأنه كله شاشة
التصميم هايل بييجى كله من الزجاج معا اطارات ألومنيوم
و أبعاده بتكون 159.2 x 73.4 x 7.9 mm (6.27 x 2.89 x 0.31 in)
الشاشة 6.47 انش من نوع Amoled و ال Resolution بيكون
1080 x 2340 pixels, 19.5:9 ratio (~398 ppi density)
HDR10
1080 x 2340 pixels, 19.5:9 ratio (~398 ppi density)
HDR10
الموبايل بيدعم تركيب شريحتين اتصال وواجهة النظام بتكون Android 9.0 Pie
الكاميرا الخلفية 3 كاميرات
الأولى 48 ميجا بيكسل بفتحة عدسة F1.8
و الكاميرا التانية 20 ميجا بيكسل UltraWide
والكاميرا التالتة 8 ميجا بيكسل Telephoto
مميزات الكاميرا Dual-LED dual-tone flash, HDR, panorama
تصوير الفيديو 2160p@30fps, 1080p@30fps
الكاميرا السيلفى
كاميرا واحدة بس 20 ميجا بيكسل
بتدعم HDR وبتصور فيديو بدقة 1080p بمعدل التقاط 30 اطار فى الثانية
المعالج بيكون حاجة خرافية جدا Snapdragon 855 بتقنية 7 نانو من شركة Qualcomm وده بصراحة أقوى معالج أنتجته الشركة وأقوى من أغلب معالجات الأجهزة المنافسة و تقنية 7 نانو بتعمل على تقليل استهلاك البطارية لأقصى درجة ممكنة
المعالج الرسومى Adreno 640 من Qualcomm وبرضه ده أقوى معالج رسوميات من الشركة واللى ميعرفش ايه هوا المعالج الرسومى فهوا ببساطة المعالج المسؤول عن الجرافيك فى الموبايل واسمه كامل graphics processing unit وهوا المسؤول عن فتح الألعاب وتحسن أدائها وعن تحسين جودة العرض و الفيديو وهو ببساطة نفس كارت الشاشة الموجود فى الكومبيوتر و فكرة انه يكون متطور جدا فده هيديك ميزة رهيبة جدا فى الاداء بشكل عام وبصراحة لحد دلوقتى ZTE مقدمة اعلى مواصفات ممكنة
الرامات 6 جيجا بايت و ذاكرة التخزين الداخلية 128 جيجا بايت معا امكانية اضافة كارت ميمورى لحد 512 جيجا بايت
البطارية بتيجى بسعة 4000 ميللى أمبير و بتدعم الشحن السريع Fast battery charging 18W (Quick Charge 4+) وبتدعم Qi wireless charging
ومنفذ الشحن بيكون USB Type C وديه حاجة ممتازة جدا
سعر الموبايل لحد دلوقتى متحددش لأن الموبايل لسه ما نزلش الأسواق رسميا
مميزات الموبايل
. شاشة قوية جدا وأدائها عالى و جودتها ممتازة
. وجود مستشعر بصمة فى الشاشة
. الموبايل مضاد للماء و الأتربة
. كاميرا خلفية ممتازة جدا وتعتبر من أقوى الكاميرات و الكاميرا السيلفى برضه ممتازة
. أقوى مواصفات داخلية متاحة للأندرويد وتقنية 7 نانو بتقلل استهلاك البطارية بصورة كبيرة
. البطارية كبيرة وممكن تشتغل لأكتر من يوم وبتدعمش الشحن السريع و الشحن اللاسلكى وكمان منفذ الشحن USB Type C
عيوب الموبايل
. عدم وجود منفذ سماعات 3.5 ميللى
. مبيدعمش راديو FM
رأينا فى الموبايل أنه واحد من أقوى الموبايل اللى تم الاعلان عنها ومواصفاته رهيبة جدا وصعب انك تلاقى كل المميزات ديه فى موبايل واحد وبالنسبة لعيوبه فمنقدرش نعتبرها عيوب لأن الأيفون اكس ماكس مثلا فيه نفس العيوب وميختلفش عليه اتنين انه من أفضل الموبايلات اللى نزلت ولكن فكرة الراديو ومنفذ السماعات 3.5 ميللى تعتبر حاجة حسب تفضيلات المستخدم أغلب المستخدمين بيفضلوها وغيرهم مش بيحتاجوها ولكن الموبايل نفسه مفيهوش عيوب