Honor 10i مواصفات وسعر الموبايل الجديد

Not allow reviews
شركة هونور التابعة لهواوى بتقدم موبايل جديد فى الفئة المتوسطة واللى دايما بتأكد انها من أفضل رواد الفئة ديه فى العالم بشكل عام و فى الدول العربية بشكل خاص وده طبعا بعد سلسلة نجاح من الموبايلات متوسطة الفئة اللى قدمتها هواوى و هونور والنهاردة هنعمل مراجعة بمميزات و سعر الموبايل الجديد

Descriptions


Honor 10i الاضافة الجديدة من Honor
شركة Honor التابعة لهواوى بتقدم موبايل جديد فى الفئة المتوسطة واللى دايما بتأكد انها من أفضل رواد الفئة ديه فى العالم بشكل عام و فى الدول العربية بشكل خاص وده طبعا بعد سلسلة نجاح من الموبايلات متوسطة الفئة اللى قدمتها هواوى و Honor والنهاردة هنعمل مراجعة بمميزات و سعر الموبايل الجديد

طبعا كعادة موبايلات هواوى اللى دايما شكلها بيكون جذاب جدا ودايما الوانها جميلة ومتدرجة هنلاقى ان شركة هونور بتيجى بنفس التصميم وده طبعا عشان الشركة تابعة لهواوى وبتشترك معاها فى نفس التصنيع والموبايل Honor 10i مش استثناء من الموضوع ده وطبعا جاى بشكل جميل جدا وبألوان مختلفة ومتدرجة وبتدى لمعة فى ضهر الموبايل

الشاشة بتكون 6.21 انش من نوع IPS LCD بدقة 1080x2340بيكسل بكثافة 415 بيكسل لكل انش والشاشة بتحتوى على نوتش صغير من فوق Water Drop Notch بيحتوى على الكاميرا الأمامية
الموبايل بيدعم تركيب شريحتين اتصال أو تركيب كارت ميمورى فى مكان الشريحة التانية

الكاميرات الخلفية للموبايل بتكون ثلاثية الأولى 24 ميجا بيكسل بفتحة عدسة F1.8 و التانية بتكون 8 ميجا بيكسل بفتحة عدسة F2.2 بتصور بزاوية Ultra Wide و الكاميرا الأخيرة 2 ميجا بيكسل بفتحة عدسة F2.4 بتشتغل Depth Sensor
الكاميرا السيلفى بتكون 32 ميجا بيكسل بفتحة عدسة F2.0 وبتصور فيديو لحد جودة 1080p وبتدعم خاصية HDR

المواصفات الداخلية للموبايل بتكون معالج Kirin 710 المخصص لأجهزة هواوى ومعالج الرسوميات Mali-G1 MP4
الرامات بتكون 4 جيجا بايت معا ذاكرة تخزين داخلية 128 جيجا بايت
نسخة نظام الموبايل Android Pie 9.0 بواجهة EMUI 9
البطارية سعتها بتكون 3400 ميللى أمبير وبتدعم الشحن السريع بقدرة 10 وات عن طريق منفذ شحن Micro USB 2.0

طبعا الموبايل بيحتوى على المميزات الصغيرة ديه اللى بنحبها زى منفذ السماعات 3.5 ميللى اللى اختفى فى موبايلات كتيرة وكمان البصمة فى ضهر الموبايل و الشحن السريع اللى بقى مهم جدا فى موبايلات كتير وطبعا امكانية اضافة كارت ميمورى

سعر الموبايل لسه متحددش و هيكون فيه تحديث بالسعر أول ما يتحدد

Similar Products

874128438053449375