Panasonic Eluga Ray 800 هل باناسونيك هتنافس فى 2019 ولا لأ مميزات وعيوب وسعر
شركة باناسونيك اليابانية للالكترونيات أعلنت عن نزول الموبايل الجديد لسنة 2019 وطبعا الشركة غنية عن التعريف وتعتبر من أكبر شركات الالكترونيات زى الشاشات و الكاميرات و الاجهزة المنزلية وطبعا الموبايلات و النهاردة هنتعرف على مميزات الجهاز
Descriptions
موبايل Panasonic Eluga Ray 800 رسميا فى مارس
شركة باناسونيك اليابانية للالكترونيات أعلنت عن نزول الموبايل الجديد لسنة 2019 وطبعا الشركة غنية عن التعريف وتعتبر من أكبر شركات الالكترونيات زى الشاشات و الكاميرات و الاجهزة المنزلية وطبعا الموبايلات و النهاردة هنتعرف على مميزات الجهاز
الموبايل بييجى بتصميم تقليددى شوية وخصوصا الشاشة اللى بتيجى بشكل قديم الى حد ما بحواف كبيرة من فوق ومن تحت ومفيش نوتش أو أى حاجة للكاميرا السيلفى وحجم الشاشة 5.5انش من نوع IPS بدقة Full HD بكثافة بيكسل 401 بيكسل لكل انش معا طبقة حماية Corning Gorilla Glass 3
الكاميرا الخلفية بتكون كاميرا واحدة 13 ميجا بيكسل بفتحة عدسة F2.0 مزودة بخاصية HDR و فلاش مزدوج
الكاميرا السيلفى 8 ميجا بيكسل مزودة بفلاش
المواصفات الداخلية للموبايل بتكون معالج Octacore1.8 GHz
ورامات 4 جيجا بايت وذاكرة داخلية 64 جيجا بايت
البطارية سعتها 4000 ميللى أمبير مبتدعمش الشحن السريع ومنفذ الشحن MicroUSB 2.0
نسخة النظام Android 7.0 Nougat
مميزات الموبايل انه بيدعم شريحتين اتصال وممكن يركبله كارت ميمورى ويزود مساحة التخزين وكمان فيه مدخل سماعات 3.5 ميللى وبييجى ببصمة فى الضهر و سعة البطارية كبيرة و الرامة كويسة ومساحة التخزين الداخلية معقولة
أما العيوب تعتبر كتيرة و أولها شكل الموبايل اللى ممكن يحسسك انه من 2016 مثلا بالحواف الكبيرة وعدم وجود أى تريند للكاميرا السيلفى زى النوتش مثلا أو السلايدر أو خرم فى الشاشة
وكمان المعالج مش معروف قوى مش سناب دراجون مثل أو ميديا تيك و الكاميرات تعتبر قليلة فى الجودة ومفيش كاميرا مساعدة للعزل بس كل ده ممكن نتجاوز عنه مفيهوش مشكلة بس الحاجة اللى منقدرش نعديها هيا نسخة الأندرويد و اللى تعتبر حاجة غريبة جدا اننا نشوف أندرويد نوجا فى 2019
سعر الموبايل حوالى 142 دولار أى ما يعادل 2500 جنيه مصرى وبصراحة حتى لو سعر الموبايل قليل الا ان فيه موبايلات كتير تتفوق عليه فى نفس الفئة السعرية و السؤال بقا هل ممكن نشوف موبايل فعلا قوى من باناسونيك ولا لأ