Meizu Zero مواصفات وسعر أول موبايل فى العالم من غير زراير
الموبايل مش بس تصميمه الغريب و شكله ومساحة الشاشة هيا كل مميزاته كمان المواصفات الداخلية عالية جدا وبصراح نقدر نقول ان الموبايل بيقدم تجربة ممتازة جدا و امكانيات رهيبة وهنتكلم عن كل حاجه فيه بالتفصيل
Descriptions
شركة ميزو الصينية أعلنت عن الموبايل الجديد Zero واللى تصميمه بصراحة غريب جدا ومش هتلاقى فيه أى زرار أو فتحات أو مخرج سماعات وطبعا ده هيخليه مقاوم للماء و الأتربة و الفكرة ديه متعملتش فى أى موبايل غير فى Vivo Apex 2019 اللى يعتبر بيكرر الفكرة بعد ميزو
الموبايل مش بس تصميمه الغريب و شكله ومساحة الشاشة هيا كل مميزاته كمان المواصفات الداخلية عالية جدا وبصراح نقدر نقول ان الموبايل بيقدم تجربة ممتازة جدا و امكانيات رهيبة وهنتكلم عن كل حاجه فيه بالتفصيل
بالنسبة للشكل طبعا زى ما قلنا الموبايل من غير أى فتحات خالص ولا حتى مخرج سماعات وده مدى شكل جديد أول مرة نشوفه والحواف صغيرة وكمان عدم وجود زرار مخلى الموبايل انسيابى أكتر وخامات تصنيعه من السيراميك معا واجهة زجاجية
الشاشة 6 انش من نوع Amoled بدقة 1080X2340 بيكسل بكثافة 430 بيكسل لكل انش ومفيهاش نوتش خالص وألوانها جميلة ومتشبعة وده المعروف عن الشاشات ال Amoled اللى دايما جودتها عالية
الكاميرا الخلفية مزدوجة الأولى 12 ميجا بيكسل بتصور بزاوية واسعة Wide و التانية 24 ميجا بيكسل وبتصور فيديو لحد 2160p
الكاميرا السيلفى 20 ميجا بيكسل وبتصور فيديو لحد 1080p
بالنسبة للمواصفات الداخلية الموبايل بييجى بمعالج قوى جدا Snapdragon845 ومعالج رسومى Adreno 630 وده هيديك أداء قوى جدا وكمان بيخفض من استهلاك البطارية
الرامات نسختين 4 جيجا بايت أو 6 جيجا بايت
ونسختين من الذاكرة الداخلية الأولى 64 جيجا بايت و التانية 128 جيجا بايت
البطارية لسه مش معروف سعتها هتبقى قد ايه لكن المعروف ان الشحن هيكون عن طريق شاحن Wireless 18 w وطبعا بيدعم الشحن السريع واللى لو فعلا 18 وات هيبقى أسرع شاحن وايرلس فى العالم
الموبايل مفيهوش مكان للشريحة وبيشتغل ب E SIM أو الشريحة الالكترونية
و بالنسبة للصوت هنلاقى انه بيشتغل عن طريق تكنولوجيا بتحول الشاشة لسماعات وتخلى الصوت طالع من الشاشة نفسها وكنا شفنا كده فى Vivo Apex 2019
طبعا عدم وجود زراير ممكن يبقى مشكلة فى الاستخدام لكن شركة ميزو حلتها بوجود أماكن بتعمل باللمس وبتحل محل الزراير بس مكانها مش مرسوم أو مفيش زرار ليها
مميزات الموبايل كتيرة و أولها ان الموبايل بيدعم بصمة الشاشة اللى بصراحة تعتبر تطور كبير فى موضوع البصمة ومش كل الموبايلات فيها الميزة ديه كمان الموبايل بيقاوم الماء و الأتربة
ده غير طبعا شكله وتصميمه المميز واللى بيخليه متميز عن بقية الموبايلات
سعر الموبايل لسه متحددش لحد دلوقتى ومش معروف هيبقى متوافر فى البلدان العربية ولا لأ
Add a review