Huawei Y6 Pro 2019 مواصفات وسعر تحفة هواوى الجديدة
Not allow reviews
شركة هواوى بتنزل نسخة السنة الجديدة من الموبايل زى ما كانت نزلت نسخات كتير فى السنين اللى فاتت لكن طبعا المرادى فيه تطور كبير من ناحية شكل الموبايل ومن ناحية الاداء والنهاردة هنتكلم عن كل مميزات الموبايل
Descriptions
Huawei Y6 Pro 2019 نسخة السنة الجديدة
شركة هواوى بتنزل نسخة السنة الجديدة من الموبايل زى ما كانت نزلت نسخات كتير فى السنين اللى فاتت لكن طبعا المرادى فيه تطور كبير من ناحية شكل الموبايل ومن ناحية الاداء والنهاردة هنتكلم عن كل مميزات الموبايل
شكل الموبايل جميل جدا وبييجى بتصميم من البلاستيك و واجهة زجاجية وبييجى بوزن 150 جرام
والشاشة حجمها 6.1 انش من نوع IPS وبدقة 720X1560 بيكسل بكثافة 282 بيكسل لكل انش وكمان الشاشة بتيجى بأصغر نوع من النوتش اللى هوا Waterdrop Notch الشاشة ألوانها حلوة وسطوعها كويس وجودتها معقولة رغم انها مش Amoled
الكاميرا الخلفية للموبايل واحدة بس بدقة 13 ميجا بيكسل وبفتحة عدسة F1.8 وبتدعم خاصية HDR وبتصور فيديو بجودة 1080p
الكاميرا الأمامية 8 ميجا بيكسل بفتحة عدسة F20 وبرضه بتصور فيديو بجودة 1080p
الأداء و المواصفات الداخلية للموبايل بيبقى جاى بمعالج Mediatek Helio A22
ومعالج رسوميات Power VR GE8320
ورامات 3 جيجا بايت وذاكرة تخزين داخلية 32 جيجا بايت
البطارية بتيجى بسعة 3020 ميللى أمبير للأسف مبدعمش الشحن السريع وبتشحن عن طريق منفذ شحن USB 2.0
طبعا مواصفات الموبايل الداخلية مش عالية جدا ولكنها معقولة الى حدا ما وخصوصا فى فئة الموبايل السعرية وكمان فيه بعض المميزات فى الموبايل اللى ممكن متلاقيهاش فى كتير من الاجهزة الفلاج شيب زى مثلا ان الموبايل بيدعم تركيب
كارت ميمورى وشريحتين فى نفس الوقت وديه حاجة كويسة جدا وأغلب المستخدمين بيفضلوها كمان الموبايل بيدعم الراديو و منفذ سماعات 3.5 ميللى ميتر وبصراحة ديه حاجة ممتازة جدا خصوصا انها كانت اختفت فى كتير من الموبايلات كمان الموبايل بييجى بنسخة أندرويد Pie 9.0 وواجهة نظام EMUI 9
سعر الموبيل هوا أكبر ميزة فيه وبتديله أفضلية على كتير من الموبايلات خصوصا معا وجود المواصفات ديه كلها صعب انك تلاقيها وبسعر حوالى 130 دولار بس وقريبا هيتوفر فى الأسواق العربية