رسميا اعلان قرعة ربع نهائى ونصف نهائى دورى أبطال أوروبا
المميز السنادى ان القرعة مش بس ربع النهائى لكن كمان مسار نصف النهائى وال 8 فرق اللى بتنافس على البطولة هيا برشلونة ، اياكس ، مانشستر سيتى ، مانشستر يونايتد ، يوفنتوس ، بورتو ، توتنهام ، ليفربول
ولأول مرة بنشوف 4 أندية انجليزية فى ربع النهائى
Descriptions
تم الاعلان رسميا منذ قليل عن قرعة دورى أبطال أوروبا
و المميز السنادى ان القرعة مش بس ربع النهائى لكن كمان مسار نصف النهائى وال 8 فرق اللى بتنافس على البطولة هيا برشلونة ، اياكس ، مانشستر سيتى ، مانشستر يونايتد ، يوفنتوس ، بورتو ، توتنهام ، ليفربول
ولأول مرة بنشوف 4 أندية انجليزية فى ربع النهائى
أول فريق اسمه بيتسحب بتكون مباراة الذهاب على أرضه و الفريق اللى هيواجه هتكون مباراة الاياب على أرضه ما عدا مانشستر سيتى ومانشستر يونايتد مينفعش يبقى على أرضه فى نفس اليوم وبكده مباراة مانشستر يونايتد هتتعكس يعنى لو الاياب على أرض مانشستر سيتى هتتعكس يونايتد وتكون الاياب على أرضهم وده اللى هنوضحه
نروح لقرعة ربع النهائى واللى هتكون كالتالى
أول نادى تم سحبه هوا اياكس وهيكون ضد يوفنتوس ودى أول مباراة فى الربع النهائى
وبكده الذهاب هيكون فى ملعب يوهان كرويف و العودة على ملعب يوفنتوس فى مدينة تورينو وبالمناسبة اياكس ضد يوفنتوس كان نهائى دورى أبطال فى عام 1996 ومن المقرر لعب المباراة الأولى يوم
تانى نادى اتسحب هوا ليفربول وخصمه هيكون نادى بورتو البرتغالى وبكده مباراة الذهاب هتكون على ملعب الأنفيلد و العودة هتكون على أرض ملعب Estádio do Dragão أو ملعب التنين
تالت نادى طلع فى السحب هوا توتنهام هوتسبير وهيكون ضد مانشستر سيتى وبكده هنشوف ديربى انجليزى ومباراة الذهاب هتكون على أرض ملعب توتنهام و مباراة الاياب هتكون فى ملعب الاتحاد بمدينة مانشستر
ورابع مباراة هتكون برشلونة ضد مانشستر يونايتد وبكده مباراة الذهاب هتكون على ملعب أولد ترافورد و الاياب على أرض ملعب الكامب نو وبكده تكون المبارة اتعكست عشان زى ما قلنا ماينفعش مانشستر سيتى ومانشستر يونايتد يلعبوا على ملعبهم فى نفس اليوم أو اليوم اللى يليه
بالنسبة للنصف النهائى
المباراة الأولى هتكون بين الفائز فى المباراة التالتة واللى هتكون مابين توتنهام أو مانشستر سيتى ومباراة الذهاب برضه على أرض الفائز بينهم و هيواجه الفائز من المباراة الأولى أياكس أو يوفنتوس ومباراة الاياب على أرض الفائز بينهم
و المبارة الثانية فى النصف النهائى هتكون بين الفائز من المباراة الرابعة برشلونة أو مانشستر يونايتد والذهاب على أرض الفائز بينهم أمام الفائز من المباراة الثانية اللى هيكون اما ليفربول أو بورتو واللى هتكون مباراة العودة على أرضه
Add a review