اعرف ترتيب المعالجات للهواتف 2019 - 2020 قبل ما تشترى Processor Ranking
مبدئيا لما تيجى تشترى موبايل جديد لازم تركز على اهم حاجة فيه وهيا الProcessor او المعالج واللى لو كان ضعيف فمش هتقدر تشغل ألعاب عالية والموبايل هيهنج منك كتير واستهلاك البطارية طبعا بيتغير على حسب نوع البروسيسيور وعشان كده حبينا نوضح ترتيب المعالجات عشان تقدر تميز ايه النوع الكويس قبل ما تشترى أى موبايل
Descriptions
مبدئيا لما تيجى تشترى موبايل جديد لازم تركز على اهم حاجة فيه وهيا الProcessor او المعالج واللى لو كان ضعيف فمش هتقدر تشغل ألعاب عالية والموبايل هيهنج منك كتير واستهلاك البطارية طبعا بيتغير على حسب نوع البروسيسيور وعشان كده حبينا نوضح ترتيب المعالجات عشان تقدر تميز ايه النوع الكويس قبل ما تشترى أى موبايل
طبعا الموضوع مش ماشى بالارقام يعنى المعالج 710 احسن من 660 ماشى الكلام ده مظبوط لو من نفس شركة المعالج انما لو من شركة مختلفة الموضوع هيبقى صعب خصوصا لو فى الفئة المتوسطة واللىى هنلاقى فيها ارقام كتير جدا عكس الFlagship اللى مش هنلاقيهم بيستخدموا غير 3 معالجات مثلا وطبعا بيبقى مكتوب رقم فى المعالج زى 12 نانو متر او 10نانو متر واللى كل مايصغر الرقم ده كل ما كان بيعبر عن وجود مكونات اكتر فى الشريحة الصغيرة وبالتالى بيعبر عن بروسيسيور متطور اكتر واكيد أقوى
وعشان نفهم الفرق بين المعالجات ديه لازم نعرف عائلات المعالجات واللى هما ( Apple Iphone - Qualcom Snapdragon - Samsung Exynos - Huawei Kirin - Mediatek helio )
خلينا ناخدهم واحدة واحدة ونشرحهم بسرعة عشان نقدر نفرق بينهم و أول عائلة معانا هيا
Apple A واخر معالج موجود فيها هوا A12 واللى نزل فى موبايلات زى Iphone X و Iphone X Max ومعالجات Apple سهلة لأنها ماشية بالترتيب اخر حاجة A12 وقبله كان A11 وقبله كان A10 واللى نزل بعد A9x بعد A9 وقبله A8x و A8 يعنى فيه ترتيب فى معالجات Apple وسهل التمييز بينهم وعلى فكرة معالج A12 Bionic هوا أول معالج بينزل ب 7 نانو ميتر وطبعا المعالجات ديه بتنزل لأجهزة ايفون الفلاج شيب بس ومش بتبقى موجودة فى اى جهاز اندرويد
تانى عيلة معانا هيا Snapdragon من شركة Qualcom وديه متقسمة لفروع والفرع الرئيسى هوا 800 وده فرع ال Flagships وأحدث معالج فيها هوا Snapdragon 855 واللى لسه مشوفناهوش فى أى موبايل لحد دلوقتى رسميا وده برضه متصنع ب7 نانو متر و تقريبا الوحيد اللى بيدعم تقنية 5G وممكن نعتبر انه بيكافئ ال A12 من Apple وبقيت المعالجات من فئة 800 تعتبر مشهورة جدا وشفناها كتير فى السنين اللى فاتت زى 845 و 835 و 821 وطبعا فئة 600 لحد 800 دى الفئة المتوسطة من المعالجات زى 710 و 670 و 660 والفئة الاقتصادية هيا اللى أقل من 600 زى 425 مثلا
تالت عيلة معالجات معانا هيا Exynos واللى بتنزل لشركة Samsung واللى اعلى معالج فيها لحد دلوقتى هوا 9820 واللى مشفناهوش لحد دلوقتى فى أى موبايل ما عدا الموبايل الجديد S10 واللى تقريبا هيحتوى على المعالج ده بالتعاون معا Snapdragon 855
والمعالج ده متصنع بتقنية 8 نانومتر مش 7 ونقدر نعتبر فى نفس مستوى ال Snapdragon 855 و ال Apple A12 والجيل اللى قبليه من معالجات Exynos وده اللى موجود حاليا على موبايلات S9 هوا 9810 وبيكافئ Snapdragon 845 ويعتبر أقل من ال A12 من Apple ولكن أعلى من ال A11 وقبل المعالج ده كان فيه معالجات أقل زى 8895 واللى بيكافئ Snapdragon 835 والاتنين أقل من A11 ولكن أعلى من A10 و 8890 هوا الجيل اللى قبلهم من Exynos
رابع عيلة معالجات هيا Kirin من شركة Huawei واللى بتمتلك اقوى معالج فى اجهزة الاندرويد الحالية وهوا Kirin 980 واللى شفناه فى أجهزة زى Mate 20 Pro واللى برضه مصنوع بتقنية 7 نانومتر وهوا يعتبر اقوى معالج فى اندرويد طبعا باستثناء Snapdragon 855 و Exynos 9820 باعتبار انهم لسه مش موجودين فى اى موبايل حالى بس لما هينزلو هيبقوا أعلى منه وقبل المعالج ده كان فيه Kirin 970 واللى بيكافئ Snapdragon 835 أو Exynos 8895 والمعالج اللى قل كده من هواوى كان 960 و لحد 710 وده من الفئة المتوسطة
وأخر عيلة معانا هيا Mediatek ويعتبر أقوى معالج فى العيلة دى هوا Helio X 30 ولكن الشركة ديه أغلب معالجاتها من الفئة المتوسطة مش الفلاج شيب زى Helio P70 الموجود فى موبايل زى Realmi U1 والمفروض هينزل P80 السنادى بس لسه مشوفناهوش والأقل منه هوا Helio P60 و Helio X 27 و Helio X25
وبكده نكون اتكلمنا عن كل أنواع المعالجات والفرق بين الشركات و الفرق بين المعالجات الفلاج شيب و المعالجات المتوسطة و الاقتصادية وللمزيد من أخبار التكنولوجيا تابعونا من هنا