Oppo F11 Pro تسريبات

Not allow reviews
هنتكلم بالتفصيل عن مميزات الموبايل الجديد Oppo F11 Pro وكمان المفاجأت اللى هتبقى فى الموبايل ده و التغييرات الجديدة وهل هوا افضل ولا اوببو F9

Descriptions



اهم التسريبات و المميزات للموبايل الرهيب Oppo F11 Pro ومقارنة بينه وبين Oppo F9


مبدئيا أكيد كلنا عارفين الموبايل الخطير Oppo F9 وأنه كان من أفضل الموبايلات اللى نزلت من أوببو وتقريبا كان من أفضل اصدارات سنة 2019 دلوقتى هنتكلم عن الموبايل اللى هيعديه بمراحل ال Oppo F11 Pro واللى نزل فى ظل وجود منافسة كبيرة فى الفئة المتوسطة ووجود موبايلات جديدة وقوية زى Honor View 20 , Honor 8C, Huawei Y7 2019 وممكن برضه الفئة الجديدة Samsung S10

بالنسبة للشكل و التصميم


شركة اوببو دايما بتنزل التريندات الجديدة والشائعة ومنهم طبعا الالوان المبهرة اللى بتبقى موجودة فى الفلاج شيب بس لكن اوببو بتنزل موبايل بشكل وتصميم جميل جدا من غير ما يبقى فلاج شيب وكان المميز فى الموبايل ان أوببو اخيرا هتنزل الموبايل بخامات من القزاز مش بلاستيك زى ماكان موجود فى ضهر الأوببو F9 واللى زى ما قلنا قبل كده ان البلاستيك حلو فى الحماية ولكن مش بيدى احساس Premium خالص لكن فى الموبايل الجديد خلاص المشكلة دى مش موجودة والموبايل فعلا شكله غالى ونضيف 

اما بالنسبة للشاشة فهنلاقى انها بتيجى بحجم 6.5 بوصة من نوع IPS وبدقة 1080X 2340
بيكسل بكسافة 396بيكسل لكل انش والميز فى الموبايل ان فيه تسريبات انه بدل ما هيكون جاى ب Water Drop Notch لأ ممكن يجى بكاميرا محفورة فى الشاشة زى ما شفنا فى Honor View 20 بس لسه مفيش تأكيدات كمان بنتوقع ان الحافة السفلية بتبقى قليلة جدا 

اما الاداء والمواصفات الداخلية


الموبايل هييجى بمعالج Snapdragon 855 وهوا معالج قوى ورهيب جدا جدا وطبعا على عكس المعالج Mediatech P60 اللى بييجى فى أوببو F9 
وكمان الرامات 6 جيجا ومساحة داخلية 64 او 128 جيجا بايت واللى برضه يعتبر تحسن عن F9 واللى كان بييجى بمساحة داخلية 64 جيجا بس وكمان الموبايل بيدعم تركيب شريحتين فى نفس الوقت وبييجى بأندرويد Pie 9.0

نروح بقا للكاميرات


الموبايل بييجى بكاميرا أمامية 32 ميجا بيكسل وده طبعا تغيير رهيب عن ال F9 اللى كان بييجى بكاميرا سيلفى 25 ميجا بيكسل وطبعا بييجى بخاصية الHDR وبالنسبة للكاميرا الخلفية فهتكون مزدوجة بكاميرا اساسية 48 ميجا بيكسل وكاميرا اضافية 5 ميجا لخاصية العزل وفيه بعض تسريبات ان ممكن الموبايل ييجى ب3 كاميرات خلفية بس برضه مفيش لسه تأكيدات

أهم و أخر حاجة البطارية 

الموبايل بييجى ببطارية 4500 ميللى امبير ودى طبعا سعة كبيرة وطبعا اكبر بحوالى 1000 ميللى امبير عن Oppo F9
بس اهم حجة بتميز الموبايل هيا خاصية الشحن السريع واللى أخيرا هتخرج بره استحواذ الOppo F9 واللى كان حرفيا الموبايل الوحيد فى الفئة المتوسطة اللى فيه الخاصية دى وطبعا الميزة دى مهمة جدا ولو جربنا نحط موبايل مبيدعمش الشحن السريع جمب موبايل بيدعم وسيبناهم يشحنوا هنلاقى ان الميزة ديه بتخلى الموبايل يشحن بضعف سرعة الموبايل العادى و كمان الموبايل بيشحن ب USB Type C  وطبعا اضافة ممتازة جدا للموبايل الجديد

السعر متتحدش لغاية دلوقتى وخصوصا ان الموبايل لسه مش متاح للبيع بس بصراحة نقدر نقول ان الموبايل لو نزل بالمواصفات ديه مش هيخلى فيه أى لازمة للأوببو F9 خصوصا انه فيه كل المواصفات القديمة وكمان اضافات اكتر ويعتبر النسخة المتطورة منه

وللمزيد من اخبار التكنولوجيا تابعونا من هنا 



Similar Products

7515314234888612070