KIA Pegas 2019 ارخص عربية سيدان كورى فى مصر

Not allow reviews
هنتكلم بالتفصيل عن سيارة كيا الجديدة وهنتكلم عن كل مواصفات الخارجية و الداخلية والمواصفات الفنية والسعر

Descriptions



هنتكلم عن كل مميزات و ومواصفات السيارة الجديدة كليا KIAPegas 2019 واللى تعتبر ارخص سيارة كورى فى مصر 


 اول حاجة واكتر حاجة مميزة فيها هو سعرها واللى تم تحديده انه 240 الف جنيه فى اول فئة و 255 ألف جنيه لأعلى فئة واللى بتكون مميزة بفتحة سقف وجنوط سبور واشارات فى المرايات وديه الفئة اللى هنتكلم عنها النهاردة
و الحاجة التانية المهمة فى السيارة انها تعتبر اول انتاج مصنع KIA فى الصين 

و بالنسبة للشكل الخارجى للسيارة 


هنلاقى طبعا الTiger Nose المخصصة لKIA وفى الشكل الامامى هنلاقى فتحات التهوية واللى بتبرد منظومة التعليق الامامية و الفوانيس اوالفوجات باطار من النيكل كروم واللى شكلها جميل و كمان المرايات باشارات الليد و الاجناب سادة خالص وطبعا فتحة سقف وديه زى ما وضحنا بتكون فى الفئة الاعلى واللى بنشرح عليها النهاردة وبالنسبة للسيارة من الخلف هنلاقى ان المصابيح الخلفية هالوجين عادية مش ليد ولكن شكلها جميل الى حد ما و فيها زى كريستالات شكلها حلو 
وبالنسبة لشنطة السيارة هيكون سعتها 470 لتر وطبعا هنلاحظ اول حاجة فى الشنطة ان مساحتها كبيرة بالنسبة لعربية المفروض انها صغيرة  وسيدان وفى نفس الوقت التقفيل جميل برغم انه صينى وشنطة العدة و الفردة الSpare من المعدن مش جنط وبمناسبة الجنط هنتكلم عن جنوط السيارة واللى نازلة بجنوط 175.70.14  معنى كده ان العربية هيكون ادائها هادى و عادى لأن الكاوتش هنا صغير اوى ورفيع ولكن جنط سبور وفى نفس الوقت من ورا الفرامل بتاعتها سكاكين مش درامز  

نروح بقا لصالون العربية 


اول حاجة الباب واللى بيكون كله بلاستيك ومش موجود فيه اى تحكمات للقزاز الكهربا ولا تحكمات مرايات التحكمات كلها موجودة فى المنطقة على شمال الدركسيون و هنلاقى ان الكراسى عادة ولكن الفرش جلد و ال Gear من اربع سرعات ودركسيون الKIA Pegas هنلاقى انه من 3 أضلع كله جميل و المنطقة السفلية منه باللون الفضى وعلى الشمال تحكمات منظومة الكاسيت ولكن مش هنلاقى مثبت سرعة وبالنسبة للعدادات هنلاقى انها بسيطة اوى عبارة عن عدادين النور بتاعم بيبدأ مع فتح الماتور وشاشة وسطية بتعرض بيانات السيارة وبالنسبة لبقية التحكمات هنلاقى ان تحكمات التكييف واللى بتكون دائرية و بكر عادى وكمان القزاز الكهربا واللى فوق وتحت ارع زراير وكمان زرار بيعمل Lock لزجاج الاطفال وطبعا الزراير كلها فى اماكنها وبشكل واضح و الكاسيت الوسطى هيكون 7 بوصة مزود بتقنية Bluetooth للربط معا الموبايل وكمان مزود بكاميرا خلفية بتساعد فى الرجوع الى الخلف وطبعا الخامات كلها من البلاستيك و العربية واضح اوى انها من الفئة الاقتصادية ولكن فيها نقطتين مهمين اوى اول نقطة ان فيها كماليات لتحكم التارة وفتحة السقف وتانى حاجة واللى تعتبر مهمة وهيا نظام ESP واللى هوا نظام الثبات الالكترونى واللى بشتمل على نظامين ABS ,EBD الا ان النسخة المصري تزلت محرومة من ال ESP زى ما كمان اتحرمت من نظام Start Stop Engine بخلاف طبعا النسخة الصينى اللى بنشرح عليها النهاردة 
و طبعا العربية نازلة ب2 AIR Bag واحد للسائق وواحد للراكب الامامى ونروح بقا للصالون الخلفى واللى نلاحظ انه مريح جدا ويكاد يكون اوسع من الKIA Rio السيدان من الخلف وكمان هنلاحظ ان الHead Room معقول و الكراسى مريحة وفيه مساحة بالنسبة للكراسى الامامية وكمان هنلاقى ان الفرش جلد والسيارة تتميز عن KIA Rio ان فيها نظام Traction Control  وكمان مفيش نفق وسطى و تعتبر السيارة فلات من ورا واللى ممكن يسمع ان تلاتة يقعدو من غير اى مشكلة وبالنسبة لقاعدة عجلات السيارة هتكون 2.57 متر

ونروح للماتور 


هنلاقى انه موتور 4 سليندر 1400 CC بيخرج 95 حصان و 130 نيوتن عزم ومرتبط بGear اربع سرعات امامى 
والعربية زى ما قلنا سيارة اقتصادية سيدان جميلة و المفروض ان السعر لسه متحددش ولكن سعرها هيكون تقريبا يتراوح ما بين ال230 الف ل255 الف جنيه ولو السيارة نزت فعلا بالسعر ده هتبقى صفقة مربحة جدا حتى لو هيا تجميع صينى هيا فى النهاية KIA وبماتور KIA ولو نزلت بكل المواصفات ديه هتكون جميلة جدا بالنسبة للفئة الاقتصادية 
ودى كانت كل المواصفات عن السايرة الجديدة KIA Pegas ولمتابعة المزيد من اخبار التكنولوجيا ادخل هنا 







Similar Products

4477309658420000922

Popular Posts