IOS اقوى العاب لا تحتاج انترنت لأندرويد و

Not allow reviews
من اقوى الالعاب اللى ممكن تلعبهم من غير وجود انترنت والمتاحين مجانا وهنتكلم عن كل لعبة بالتفصيل وايه مميزاتها وكمان طرق اللعب

Descriptions


5 العاب على Android و IOS مش هتحتاج انترنت عشان تلعبهم وهنتكلم عنهم بالتفصيل:


اولا Swordigo :

واللعبة دى فكرتنا بلعبة Zelda الشهيرة وهيا شبيهة لها من ناحية الشخصيات و الرسومات و الموسيقى و هتخوض مغامرة رائعة فيها من خلال اكتشاف عالم اللعبة الغريب و جمع الاسلحة و السيوف لهزيمة اعدائك وتنفيذ كل المهام المطلوبة اللعبة ثنائية الابعاد من نوع Action Adventure حاول انك تكتشف الكهوف و الابراج و البلدان الصغيرة واجمع كل اللى تلاقيه عشان تستفيد منه 
اللعبة ممتعة جدا ومش هتزهق منها وبتتميز بضوابط تحكم سهلة وبسيطة وممكن التعديل عليها لتناسب طريقة اللعب المفضلة واللعبة متاحة بالمجان على Play Store و App Store

تانى لعبة معانا هيا لعبة Orbia :


 وهيا لعبة خفيفة وظريفة جدا ونقدر نلخصها فى جملة السهل الممتنع 
كل اللى المفروض تعمله فى اللعبة انك تتحرك فى الدوائر من غير ما تلمس الوحوش الصغيرة اللى بتحيط بالدوائر ديه الموضوع هيبقى سهل فى البداية لكن معا التقدم فى المراحل هيكتر عدد الوحوش بالاضافة ان سرعتها هتزيد وهيبقى صعب التنقل من دائرة للتانية الا اذا استغليت الفرصة المناسبة فى الوقت المناسب 
اللعبة جميلة جدا و بتقتل الملل ورسوماتها مذهلة ومش هتحتاج امكانيا اجهزة عالية وطبعا مش هتحتاج انترنت عشان تشتغل وموجودة على Android و IOS

تالت لعبة هيا Bruce Lee Dragon Run :


وفى اللعبة دى هتجسد دور الاسطورة بروس لى وتحاول انك تجرى فى مسار كله معوقات و نيران  او يعتمد على الحركات السريعة و المفروض انك تساعد اسطورة ال Kung Fu انه يتجاوز كل ده و يجمع اكبر عدد من العملات ويوصل لأبعد مسافة ممكنة وكمان اللى عجبنا فى اللعبة دى هو التصميم و الجرافيك و الرسومات البسيطة وفى نفس الوقت جميلة وممتعة بالنسبة لحجم اللعبة الصغير بالاضافة لضوابط التحكم السهلة واللى بمجرد ما تعمل Swipe لليمين او اليسار هتحرك الشخصية بسهولة و اضغط ضغطة واحدة عشان يقفز و ضغطتين لقفزة طويلة وبالاضافة ل 16 Characters ممكن تفتحها فى اللعبة وتلعب بيها بعد التقدم فى اللعب 
اللعبة من احسن العاب الRun وبتقدملك تجربة لعب سهلة وبسيطة وممتعة بدلرجة كبيرة ومش هتحتاج لانترنت

رابع حاجة لعبة Smashing Rush:


لعبة تانية من العاب ال Run ولكن معا اختلافات كتيرة ومميزة زى وجود 23 شخصية مختلفة للعب وكمان اعتماد اللعبة على الحركات المذهلة اللى بتعتمد على الParkour و الحركات المذهلة ولكل شخصية طريقة لعب مختلفة ده غير انك ممكن تتسابق فى بيئات لعب مختلفة ومراحل مختلفة و متعددة و المفروض توصل لخط النهاية وتجمع كل الفواكه والقطع النقدية وكمان فيه انماط لعب مختلفة ممكن تلعبها زى ال Stage Mode وده نمط المراحل العادية وال Challenge mode اللى هتلعب فيه فيه فى مراحل ومناطق هيكون صعب تخطيها وكمان Item Rush Mode واللى الهدف فيه انك تجيب Score عالى وتحاول تكسر الScore ده 
وخلينا نتكلم عن طريقة اللعب او ضوابط التحكم السهلة جدا واللى بيكونوا عبارة عن زرارين بس للتحكم واحد للJump وده اكتر حاجة هتعملها فى اللعبة عشان تقفز من فوق المعوقات الكتيرة اللى فى الطريق و التانى Dash عشان الاندفاع واللى بيكون برضه ليه استخدام فى اوقات معينة فى اللعبة 

اخر لعبة معانا هيا Basketball Battle :


اللعبة موجهة لعشاق كرة السلة وكمان اللى مبيحبش كرة السلة هينبهر بسهولة اللعبة و Graphics الجميل ده غير ان اللعبة ممتعة جدا وفيها بتلعب بطريقة  1VS1 او لاعب للاعب مش بفريق كامل وفيها ممكن تستعرض مهارات كرة السلة و بتتنافس معا لاعبين مش حقيقيين و الهدف انك تكسب فى كل المباريات عشان تحصل على نقاط وتقوم بترقية الشخصية اللى بتلعب بيها و تخصص زى ما تحب وكمان ممكن تشارك وتنافس فى احداث حقيقة وكمان ممكن تلعب مع اى صديق على نفس الموبايل من غير ما تحتاج انك تتصل بالانترنت واللعبة متاحة بالمجان على Andoid و IOS


دى كانت قائمة سريعة بأفضل الالعاب اللى هتضيع الملل لو مفيش انترنت تابعونا هنا لمعرفة كل جديد 



























Similar Products

977887139024796604

Popular Posts