Inifinx Hot 6 Pro مواصفات وسعر
Not allow reviews
Infinix Hot 6 Pro الموبايل الجديد من شركة Infinx واللى اهتمت بتفاصيل التفاصيل فى الجهاز ده وخصوصا انها دايما بتهتم بوضع ميزة جديدة فى فئة الHot بتختلف كل سنة عن اللى قبلها ابتداءا من Hot 1 اللى كان فى 2015 وكان اول موبايل ب1 رام ب 1600 جنيه وذهابا الى ال Hot 4 Pro واللى كان اول موبايل ببصمة محترمة ب 1700 جنيه والنهاردة هنتكلم عن كل مميزات الموبايل اللى جاى بكامرتين خلفيتين و ب 2600 بس للنسخة الاعلى و 2200 للنسخة الاقل
Descriptions
Infinix Hot 6 Pro الموبايل الجديد من شركة Infinx واللى اهتمت بتفاصيل التفاصيل فى الجهاز ده وخصوصا انها دايما بتهتم بوضع ميزة جديدة فى فئة الHot بتختلف كل سنة عن اللى قبلها ابتداءا من Hot 1 اللى كان فى 2015 وكان اول موبايل ب1 رام ب 1600 جنيه وذهابا الى ال Hot 4 Pro واللى كان اول موبايل ببصمة محترمة ب 1700 جنيه والنهاردة هنتكلم عن كل مميزات الموبايل اللى جاى بكامرتين خلفيتين و ب 2600 بس للنسخة الاعلى و 2200 للنسخة الاقل
الشكل الموبايل من خامات بلاستيكية لكن وانتا ماسك الموبايل مستحيل حد يفرق مابين اذا كان بلاستيك او معدن والوانه جميلة جدا زى اللون الاسود المطفى و الاحمر و الذهبى
وزن الموبايل خفيف جدا وبيدى احساس بالراحة فى الايد بعكس لو كان حجمه كبير و معدن مكانش هيبقى مريح بالشكل ده
التصميم هنلاقى ان الموبايل زرار الباور فيه عليه زى بروز كده بيخليك تقدر تميزه بسهولة وده غير الكاميرا اللى مفيهاش بروز والبصمة اللى مش مدفونة جوا الموبايل وتعتبر على ضهر الجهاز وده هيفيدك لو بتحب تحط Cover كبير او تخين
شاشة الموبايل بتيجى بحجم 6 انش من نوع IPS وبدقة 720X 1440 بيكسل بكثافة 268 بيكسل لكل انش والشاشة ادائه ممتاز وكويسة برضه فى ضوء الشمس بس المشكلة الوحيدة ان الحواف كانت هتبقى افضل لو كانت انحف شوية
الكاميرات الخلفية زى ما قلنا مزدوجة ودى حاجة خرافية ورهيبة جدا خصوصا ان الموبايل فى الفئة الاقتصادية وبييجى بكاميرا اساسية 13 ميجا بيكسل بفتحة عدسة F2.0 و كاميرا تانية 2 ميجا بيكسل عشان تساعد فى تصوير ال Portrait معا فلاش مزدوج بيدى نتايج هايلة جدا
الكاميرا هتديك اداء ممتاز جدا فى ضوء النهار لكن لما تبدأ تصور فى الليل او فى اضاءة متوسطة التفاصيل هتبدا تتلاشى و الPortrait بالليل بيظهر فيه Noise أكتر بس طبعا منقدرش نظلم الكاميرا نظرا لان الموبايل من الفئة الاقتصادية وسعره قليل جدا فتعتبر الامكانيات معقولة
والسيلفى كاميرا بتيجى 5 ميجا بيكسل بفتحة عدسة F2.0 معا فلاش امامى وممكن تديك اداء مرضى فى النهار ولكن طبعا مش هتقدر تستخدمها فى التصوير الاحترافى يعنى هتدييك صور معقولة
المواصفات الداخلية للموبايل معقولة زى المعالج Snapdragon 425 اللى اول مرة Infinix تجيب معالج Qualcom بدل معالجات MediaTek اللى تعتبر اضعف منها وبصراحة المعالج هنا مش هوا افضل معالج فى الفئة دى ولكن ده مش معناه انه وحش او بيهنج ومش هيقصر معاك فى أى حاجة فى الاداء العام فى الجهاز واداءه فى الالعاب مقبول ومش هتشوف اى مشاكل فيها والمعالج الرسومى هوا Adreno 308 واللى يعتبر معقول
الرامات بتبقى 2جيجا بايت او 3 جيجا بايت والذاكرة الداخلية 16 جيجا او 32 جيجا
الاندرويد بيكون Oreo8 وممكن يتحدث ل Android Pie 9 و بواجهة نظام Infinix Xos 3.0 واللى الحقيقة اتظبطت بدرجة كبيرة وبتدى مميزات كتيرة جدا زى انك تقدر تقسم الشاشة وتاخد اسكرين شوت ب3 صوابع وانك تستخدم حاجتين فى نفس الوقت ومميزات تانية كتير
بطارية الموبايل سعتها كبيرة جدا 4000 ميللى امبير واللى تعتبر سعة ممتازة و خرافية انها تبقى موجودة فى موبايل فئة اقتصادية وممكن تديك Screen On Time لحد 7 ساعات ونص وده تحت الاستخدام العالى اما لو استخدام خفيف فممكن يفضل شغال يومين
بس العيب الوحيد فى البطارية انها مبتدعمش الشحن السريع ووقت الشحن بيوصل ل 3 ساعات و ربع وده برضه وقت طويل بالنسبة لبطاريات تانية
السعر طبعا زى ما قلنا حوالى 2600 جنيه لنسخة ال 3 جيجا رام ةذاكرة داخلية 32 جيجا
و 2200 لنسخة ال 2 جيجا رام وذاكرة داخلية 16 جيجا
وللمزيد من اخبار التكنولوجيا تابعونا من هنا