Huawei Nova 4 مواصفات وسعر الموبايل الخيالى
Not allow reviews
الموبايل بييجى بعد النجاح الرهيب اللى حققه نوفا 3 اللى كان نزل السنة اللى فاتت وطبعا كان بييجى بمواصفات عالية وأداء قوى وكمان كاميرات ممتازة جدا وهيا كانت أحد أسباب نجاح الموبايل وطبعا هواوى قررت انها تنزل الجيل الجديد من براند النوفا واللى هيكون رقم 4
Descriptions
الموبايل بييجى بعد النجاح الرهيب اللى حققه نوفا 3 اللى كان نزل السنة اللى فاتت وطبعا كان بييجى بمواصفات عالية وأداء قوى وكمان كاميرات ممتازة جدا وهيا كانت أحد أسباب نجاح الموبايل وطبعا هواوى قررت انها تنزل الجيل الجديد من براند النوفا واللى هيكون رقم 4
الموبايل بييجى بتصميم جميل جدا وجذاب وأهم حاجة بتميزه هوا وجود ثقب أو فتحة فى الشاشة بتحتوى على الكاميرا الامامية زى ما شفنا فى Honor View 20 وده طبعا بيغنينا عن النوتش اللى كان بياخد من مساحة الشاشة
الشاشة من نوع IPS على عكس كل التوقعات اللى كانت بتشير لوجود شاشة من نوع Amoled
حجم الشاشة 6.4 انش بدقة 1080X2310 بيكسل بكثافة 398 بيكسل لكل انش
العتاد الداخلى و الموصفات الداخلية للموبايل عالية وبتقدم أداء قوى وده طبعا بسبب وجود
معالج Kirin 970 وهوا معالج فائق فى موبايلات هواوى وبينزل لأجهزة الفلاج شيب بس
والرامات بتكون 8 جيجا بايت معا ذاكرة داخلية 128 جيجا بايت
نظام التشغيل هيكون Android 9 Pie بواجهة EMUI 9
وأكتر حاجة مبهرة فى الموبايل هيا الكاميرات واللى بصراحة بقت من أهم مميزات سلسلة ال Nova زى ما شفنا فى Huawei Nova 3
الموبايل بييجى ب 3 كاميرات خلفية الأولى بتضم مستشعر أساسى وبتكون 48 ميجا بيكسل بفتحة عدسة F1.8
أما الكاميرا التانية فهيا 16 ميجا بيكسل بفتحة عدسة F2.2 Wide أو زاوية واسعة
و الكاميرا الاخيرة 2 ميجا بيكسل بفتحة عدسة F2.4 و بتكون لخاصية العزل
وكمان لازم نتكلم عن وجود نسخة تانية من الموبايل بتيجى بكاميرا 20 ميجا بيكسل بدل 48 ميجا بيكسل
اما بالنسبة للكاميرا الأمامية هنلاقى ان هواوى مبخلتش على عاشقى السيلفى بوجود كاميرا 25 ميجا بيكسل بفتحة عدسة F2.0 وكمان هيا و الكاميرا الخلفية بيدعمو خاصية HDR
البطارية بتيجى بسعة 3750 ميللى أمبير وبتدعم الشحن السريع من خلال منفذ شحن USB Type C
وكمان الموبايل بيدعم مدخل سماعات 3.5 ميللى
وسعر الموبايل حوالى 545 دولار ولسه مش معروف هيبقى متاح فى مصر امتى
وبصراحة الموبايل جميل جدا جدا ومواصفاته عالية وبيقدملك تجربة ممتازة و Package على بعضه بحيث انك مش هتلاقى حاجة ناقصة فيه