Energizer اول موبايل فى العالم ببطارية 18000 ميللى امبير من شركة
شركة البطاريات
داخلة سوق الموبايلات وبتنافس بقوة واللى قررت فى معرض التكنولوجيا فى برشلونة من اول يوم Energizer 25 فبراير لحد 28 فبراير انها هتعلن عن 26 موديل جديد من الموبايلات ولكن المميز فيهم هما 4 موبايلات واللى بطارية واحد فيهم وصلت ل18000 ميللى امبير والنهاردة حبينا نتكلم عن الموضوع بالتفصيل
Descriptions
شركة Energizer تصنع اول موبايل ببطارية 18000 ميللى امبير
مبدئيا كده كلنا عارفين شركة Energizer واللى هيا مختصة فى صنع البطاريات و الباور بانك وغيرهم بس المرادى عملت حاجة غريبة فى مؤتمر MWC للتكنولوجيا واللى بيتعقد فى مدينة برشلونة فى اسبانيا وهيكون من 25 ل 28 فبراير الشكة بقا أعلنت نزول 26 نوع جديد من الموبايلات المختلفة بس اللى جذب انتباهنا فى الموديلات الجديدة ديه هما 4 موبايلات
الاول هوا Power Max P18K PRO والتانى هوا Power Max P16K PRO والتالت و الرابع من سلسلة Ultimate ال U620 S و ال U630 S
بالنسبة لل Power Max P18K PRO و ال Power Max P16K PRO
الموبايل الاول هييجى ببطارية 18000mAh والموبايل التانى هييجى ببطارية 16000mAh واللى تعتبر ارقام فلكية فى البطاريات وعمرنا ما سمعنا عن حاجة زى كده وتقريبا الموبايل لما كان بييجى ببطارية 4000 ميللى امبير كنا بنعتبرها سعة خرافية وممكن نشترى الموبايل مخصوص عشان البطارية اكتر من 3000 ميللى امبير
دلوقتى شركة Energizer جاية تغير كل حاجة اتعودنا عليها يعنى مثلا لو موبايلك بطاريته 3000 ميللى امبير وممكن يفضل شغال يوم كامل معاك دلوقتى معا البطارية 18000 ميللى امبير الموبايل ممكن يفضل شغال 6 أيام من غير ما يفصل شحن يعنى تقريبا اسبوع وهوا مشحون مرة واحدة بس
الغريب فى الموضوع ان طبعا اى حد هيشوف كلمة 18000 ميللى امبير هيفتكر ان حجم الموبايل هيكون ضخم ومش هيكون فيه اى مميزات تانية غير البطارية الكبيرة لكن مش ده كل حاجة فى الموبايل
الموبايل طلع شكله طبيعى جدا وبنوتش ببتتحرك وبتنزل زى الOppo Find X او ال Vivo Nex وكمان ب 5 كاميرات 3 كاميرات خلفية الاولى 16 ميجا بيكسل والتانية 5 ميجا بيكسل و التالتة 2 ميجا بيكسل الكاميرات بتدى ال Wide Angle وال Polka Effect و2 امامية بجودة عالية يعنى الشركة داخلة تنافس بجد وممكن تقدم موصفات عالية زى اى شركة منافسة مش بس الميزة هيا البطارية الكبيرة وبس
فى اختلافات طفيفة ما بين كل موبايل والتانى طبعا واحد 18000 ميللى امبير و التانى 16000 ميللى امبير و سلسلة ال Ultimate هتبقى بطارياتها اقل شوية
اما بالنسبة للمواصفات الداخلية
هنلاقى ان معظم الموبايلات ديه بتيجى برامات 6 جيجا بايت و مساحة داخلية 128 جيجا ومعالجات ال Mediatek Helio P70
الجديدة يعنى بصراحة امكانيات كويسة جدا وماصفات عالية مش متوسطة كمان بس هتفضل اهم حاجة بتميز الموبايلات ديه البطارية اللى ممكن تفضل اسبوع بشحنة واحدة وديه الحاجة الوحيدة اللى مفتقدينها فى كل الموبايلات يعنى اقوى بطارية شفناها مش هتعدى ال 5000 ميللى امبير بس معا Energizer الكلام ده كان زمان
ولسه لغاية دلوقتى ماتحددش الاسعار ولسه ما نعرفش الموبايلات ديه هتبقى متوفرة فى مصر ولا لأ
وللمزيد من الاخبار المتعلقة بالتكنولوجيا تابعونا من هنا