Galaxy M اخيرا موبايلات فئة متوسطة من سامسونج

Not allow reviews
سامسونج اعلنت اخيرا عن موبايلات فئات متوسطه تقدر تنافس بيها شاومي و اوببو وغيرها من الشركات اللي لسه طالعه جديد وبتقدم مواصفات عاليه بسعر رخيص والل حطت سامسونج في مازق كبير ده غير ان من 3 سنين سامسونج كانت هيا الرائدة فى الفئة المتوسطة و العالية لحد ما جت شركات جديدة سحبت البساط من تحت سامسونج ودلوقتى سامسونج قدرت انها ترجع للسباق تانى بالفئة الجديدة M

Descriptions



سامسونج اعلنت اخيرا عن موبايلات فئات متوسطه تقدر تنافس بيها شاومي و اوببو وغيرها من الشركات اللي لسه طالعه جديد وبتقدم مواصفات عاليه بسعر رخيص والل حطت سامسونج في مازق كبير ده غير ان من 3 سنين سامسونج كانت هيا الرائدة فى الفئة المتوسطة و العالية لحد ما جت شركات جديدة سحبت البساط من تحت سامسونج ودلوقتى سامسونج قدرت انها ترجع للسباق تانى بالفئة الجديدة M 

اخيرا موبايلات فئة متوسطة من سامسونج galaxy m واللى نزل منها لحد دلوقتى m10 و m20 و m30


اولا m10



هييجى بشاشة ips 6.2 بوصة بدقة hd+ و بwater drop نوتش زى realme 2 pro ومعالج exynos 7872 hexa core اللى هوا معالج سداسى النواة وهو فئة متوسطة مقارب لاداء 632 من سناب دراجون وهييجى بنسختين للذاكرة الداخلية اول واحدة بسعة 32 جيجا والتانية بسعة 64 جيجا كمان هييجى برامات بسعة 3 جيجا معا كاميرتين خلفيتين واحدة بدقة 13 ميجا والتانية بدقة 5 ميجا واللى بيميز الكاميرا دى فى فئته السعرية انها بعدسة 1.9 واللى هتدينا افضلية اننا نصور فى الضلمة و كمان الكاميرا الامامية هتييجى بدقة 5 ميجا واللى تعتبر عيب خصوصا لمحبى السيلفى 

وهييجى ببصمة فى ضهر الجهاز وبطارية بسعة 3400 ميللى امبير ومن المتوقع ان سعره فى مصر يوصل 3500 جنيه 


ثانيا m 20


الشاشة 6.3 بدقة full hd وبرضه بالواتر دروب نوتش ومعالج exynos 7880 واللى ممكن يعادل snap dragon 636 واللى موجود فى شاومى نوت 5 وشاومى نوت 6 برو كاميرتين خلفيتين 13 ميجا و 5 ميجا بيكسل و فتحة عدسة 1.9 كمان الكاميرا الامامية 8 ميجا بيكسل واللى تعتبر احسن من m10 و جاى بنسخة 4 جيجا رام وسعة داخلية 64 ولكن اللى يميزه عن m10 انه بييجى بشاشة super amoled مش ips وطبعا زى محنا عارفين ان افضل الوان شاشة هى super amoled وافضل سطوع برضه

ده غير انه جاى ببطارية بسعة 5000 ميللى امبير وديه سعة خرافية جدا وجبارة ومن المتوقع ان سعره يبقى 4700 جنيه 

ثالثا واخيرا M30


وده يعتبر اعلى جهاز فى الفئة دى لحد دلوقتى وده هييجى بشاشة 6.4 بوصة super amoled بدقة hd+ و طبعا النوتش الwater drop ومعالج EXYNOS 7882 واللى يعادل سناب دراجون 660 وذاكرة داخلية 64جيجا ورامات 4 جيجا واهم ما يميز الجهاز انه ب3 كاميرات خلفية وده مش موجود فى سامسونج الا فى A7 والكاميرات 2 منهم بدقة 5 ميجا بيكسل و الكاميرا الرئيسية 13 ميجا بيكسل وبكده تبقى كاميرا WIDE وكاميرا اساسية للتصوير وكاميرة اخيرة لخاصية العزل وكمان اللى بيميزه الكاميرا الامامية اللى بدقة 16 ميجا بيكسل وديه حاجة ممتازة جدا بالنسبة للفئة السعرية وللى بيحبو السيلفى كمان البطارية هتكون بسعة 5000 ميللى امبير و ال USB TYBE C وبتدعم خاصية الشحن السريع 

ومن المتوقع ان يكون سعره 5300 واكيد هيكون منافس شرس جدا 


وده يعتبر حاجة كويسة جدا من سامسونج و فعلا ابتدت تشوف الناس عايزة ايه وان سامسونج اخدت الطريق الصح طبعا سامسونج رائدة جداا فى الفئات العالية بس بعد ما ظهرت شركات كتير خدت منها الفئة المتوسطة بقت بتحاول بالفئة الجديدة انها ترجع للسوق تانى 
لاخر اخبار التكنولوجيا ادخل هنا 






Similar Products

7273592625513010312