لو بتفكر تشتغل كابتن في شركة كريم - ازاي هتقبض من المحفظة الذكية ؟

Not allow reviews
شركة كريم مصر هي شركة متخصصة في نقل الاشخاص عن طريق برنامج بينزل علي الهاتف المحمول ولو كنت بتفكر تشتغل كابتن في كريم فانت اكيد محتاج تعرف شوية المعلومات دي :

Descriptions


خطوات بسيطة للعمل ككابتن في شركة كريم :

١. عربيتك لازم تكون من اول موديل ٢٠٠٠
٢. هتعمل فحص ناسيتا او فيت اند فيكس هيكلفك حوال ٧٥ ج
٣. تعمل فيش جنائي في القسم اللي انت تبعه ببطاقتك
٤. تاخد الفحص والفيش وطبعا رخصتك ورخصة العربية وتطلع علي مقر شركة كريم مصر في المهادي
العنوان  ٥٣٧ كورنيش المعادي بجوار المصرية للسيارات ملحوظه هم كل شويه بيغيروا عنوانهم فياريت تتاكد من العنوان تاتي من خلال الاتصال بالكول سنتر ورقمه 19188 رقم مختصر
٥. هتقدم الاوراق دي بعد ما هتقف طابور محترم مش اقل من ساعتين لانهم دايما زحمه جدا
٦. وبعد الموافقه هتنزل برنامج adma من علي جوجل بلاي ولازم يكون موبايلك اندرويد حديث ومش ايفون طبهلا لان البرنامج مش شغال علي الايفون

طريقة بقي الشغل وازاي بتقبض :

بتشغل البرنامج وتختار انك online كده انت متاح يعني اي وقت هيجيلك طلب وبتظهرلك رساله ليها مده معينه فيها اسم اللي طالبك وموجود فين ورايح فين والرساله دي ايها مده بتخلص خلال ثواني اما تقبل الطاب او ترفضه في حاله انك بترفض طلبات كتير طبعا ده بيأثر علي تقييمك وممكن يعرضك لغلق البرنامج من قبل الشركة فمنصحكش انك ترفض طلبات كتير ورا بعض

في حاله انك قبلت الطلب بيجبلك خريطه ازاي تروح تاخد العميل وطبها بعد ما بتاخد العميل وتوصله لمانه اول ما بتدوس انهاء الرحلة بيظهرلك المبلغ المطلوب تحصيلة من العميل
بتكتب المبلغ والبرنامج بيسجل انت خدت كام مثلا انت اخدت من العميل ١٠٠ ج منهم عموله الشركة مثلا ٢٠ ج يبقي كده البرنامج هيسجل انك عليك للشركة ٢٠ ج
بعدها مثلا عميل ركب معاك وكان مشواره عامل ٥٠ ج بعد خصم  العموله بس هو دافع اصلا فيزا يعتي كش هيديك فلوس خالص كده البرنامج هيسجل ١٠٠ - ٢٠ + ٥٠ = ١٣٠ ج  انت معاك منهم ١٠٠ يبقي انت فاضلك ٣٠ ج وهكذا لحد احر الاسبوع تشوف انت ليك كام والمبلغ اللي ايك بينزلك في المحفظه الذكية وده برنامج برضوا بتنزله علي موبايل وبتشغله برضوا في الشركة
فكرة برنامج المحفظه الذكية هي انك لو في فلوس نزلتلك في المحفظه بتظهرلك في خانه my balance وتقدر تسحبهم في اي وقت من اي ماكينة سحب بنك CIB BANK

طريقة سحب الفلوس من المحفظه الذكية من خلال ماكينة cib

١. اختار الخدمات بدون بطاقة
٢. اختار المحفظه الذكية
٣ اختار سحب نقدي واختار ارسال الرقم المتغيير
٤. ادخل رقم تليفونك اللي انت مسجل عليه المحفظة
٥. ادخل المبلغ المسحوب
٦. البنك هيبعت رساله علي موبايلك فيها الرقم المتغيير
٧  اعمل بقي نفس الخطوات تاني واكتب. الرقم المتغيير اللي جالك في الرساله
وساعتها هتقدر تسحب المبلغ

لو استفدت من الموضوع ياريت تنشره عشان غيرك يستفيد  

Similar Products

8671929449716257000

Popular Posts