عيوب موبايل سامسونج s5 كوبي وازاي اختار جهاز هاي كوبي كويس ؟
عيوب موبايل سامسونج s5 كوبي وازاي اختار جهاز هاي كوبي كويس ؟
عيوب موبايلات هاى كوبى
Descriptions
الشركات المصنعه للهواتف الهاي كوبي متنوعه وكثيره مثل شركه hdc وهي اكبر شركه لتصنيع الهواتف الهاي كوبي وايضا شركة mediatek وهي متخصصه في صناعه المازر بورد والبروسيسور والرامات لهذه الاجهزة
موضوع عيوب الاجهزه الهاي كوبي يتلخص في كلمتين اتنين وهما ان كل حاجه وليها سعرها يعني الشركات ديه بتعمل كذا نسخه وكذا فرز يعني موبايل اس فايف فرز اول وفي فرز تاني وفي فرز تالت كمان وكل نسخه ليها سعر وليها امكانيات طبعا علي قد سعرها وبعد خبره طويله في المجال احب اقولك ان اي جهاز تحت الالف جنيه في الهاي كوبي يبقي تعبان وهتلاقي راماته ٥١٢ وبروسيسور ضعيف يعني تقدر تقول كده جهاز سد خانه لانهم طبعا صارفين علي الشاشة والتاتش وودرجه وضوح الشاشه عشان كده مؤخرا ناس كتير اشتكت من نسخه الاس فايف اللي نزلت بسعر ٧٥٠ ج وده ميعتبرش عيوب في الجهاز انه بطيء او بيهنج ده بس عشان هي ديه امكانياته وسعره
الغريب في الموضوع ان دلوقتي مبقتش تقدر تعرف الامكانيات الحقيقيه للجهاز عن طريق برامج الانتوتو وال cpu z مثلا وغيرها زي droid info وبرامج كتير للكشف عن المواصفات الفعليه للجهاز لان الشركات المصنعه بقت فعلا بتضرب المواصفات ديه وتديك مواصفات وهميه
انت كل اللي هتجربه لما تجيب موبايل هاي كوبي هي درجه وضوح الكاميرا وسرعه النت وكمان درجه وضوح الشاشه وممكن تجرب لعبتين ولا حاجه تقدر تقيس بيها سرعه الجهاز لان فعلا كل البرامج مضروبه ومفيش مقياس واضح لحد دلوقتي يقيس الجهاز الهاي كوبي غير التجربه
مع اختلاف النسخ المنتشره في السوق واختلاف الاصدارات انت بجد هتلاقي نفسك تايه ومش عارف تشتري ايه ومنين
انا بقولك ونصحيه اشتري من الشخص اللي تحس ان كلامه منطقي وواضح ومفيش حوارات وطبعا وانت بتستخدم الجهاز ياريت متقارنش جهازك الهاي كوبي بجهاز اصلي لانك مثلا لو دافع ١٢٠٠ ج مش زي اللي دفع ٥٠٠٠ ج واشتري ايفون اصلي اكيد يعني الشركات اللي بتصنع الهاي كوبي ديه مش هبله عشان تديك مواصفات الاصلي ابو ٥٠٠٠ ج بسعر ١٢٠٠ ج هم اصلا لازم يبقوا كسبانين علي الاقل ٢٥ ٪ خليك ناصح
انا انصحك طبعا لوجهه الله لو معاك تمن الاصلي اشتريه لان مفيش احسن من الاصلي
في حاله انك تشتري هاي كوبي ده لو انت مش عايز تدفع فلوس كتير في موبايل في الاخر هو وسيله اتصال وكله بيقول الو علي راي المثل وشكرا .