فندق واكوا بارك Teda Swiss Inn Plaza Ain Soukhna احلي مكان في العين السخنة عن تجربة

Add a review
Teda Swiss Inn Plaza Hotel Ain Soukhna معلش يا جماعه بقالي يومين مش عارف ارد عليكوا عشان كنت بتفسح مكان جميل اوي احلي فندق في السخنه اولا الاكوا باورك اللي هناك هي فعلا اكبر اكوا في السخنه يعني هتتكسر من كتر اللعب فيها ومش هتزهق ثانيا الناس اللي هناك من اول مابتدخل وهم بيرحبوا بيك والابتسامه مش مفارقه وشهم الفندق ده انا لقيته وانا بعمل سيرش علي النت عادي عايز اروح مكان يومين يكون قريب يعني ساعه كده من القاهره في الانجاز بدل بقي ١٠ ساعات شرم و٦ ساعات الغردقه ووقت ضايع قررت اروح كده فجاه عشان كده محجزتش من اي موقع شغلت الجي بي اس وكتبت Teda Swiss Inn Plaza Hotel Ain Soukhna وطلعنا علي هناك اول مادخلنا المكان لقينا بارك كبير تركن فيه عربيتك بتاع الامن بيبتسم في وشك وبيرحب بيك مع اننا مش حاجزين مسبقا دخلنا الريسبشن اتكلمت مع الموظف علي سعر اليوم وشامل ايه لقيت اليوم ب ٩٠٠ ج شامله فطار وعشا وفي مسرح بليل وفقرات والاكوا طبعا كبييييره جدا و٣ بيسين وبيسين اطفال والغرف ممتازه وفي خدمه غسيل الملابس والكي كمان وفي كافيه ومطعم ولازق في الفندق بنك cib وبنك qnb يعني مش هتدور علي ماكنه في الصحرا وكمان في سوبر ماركت كبير لازق برضوا في الفندق في كل حاجه كل حاجه بمعني الكلمه البيل مان جيه خ دا لشنط وطلعنا الاوضه تكييف - سيشوار - بقي وشاشه كبيره حمام ٥ نجوم نظافه محصلتش - خزينه عشان تحط فلوسك وموبايلك وانت بره الاوضه وبتاع الامن طلع فهمني اشغلها ازاي هتلاقي جوه الاوضه كاتيل عشان تعمل مشربات سريع وسابينلك شاي ونيسكافيه وكريمه ومايه معدنيه وفي تلاجه صغيره تقريبا انت عندك كل حاجه كل حاجه مفيش اي تعليق او كومنت مزعلني نزلنا الاكوا رهيييييييبه جداااااااا والبيسين كبييييييير وامان جدا ١٥٠ متر ارتفاعه بس الناس كلها اللي شغالين في الفندق بيبتسموا طول الوقت في وشك وبيرحبوا بيك جدا طول الوقت بليل كان في فقرات في المسرح وباند ورقص شرقي وفي مكان مخصص للعب للاطفال في ملاهي وعربيات هتلاقوا فيديو في صور نزلت الصبح بدري صورتها والناس نايمين يارب تعجبكوا تصوير علي قدي كده وصورتلكوا كمان الغرفه والمكان من بره شكله ايه ونضيف ازاي ودي ارقام وعنوان الفندق هتلاقوه سهل جدا علي الجي بي اس مجرد ماتكتبوه لو حسبتها صح هتلاقي نفسك لو قعدت في المكان ده يومين بس احسن واوفر من ١٠ ايام في اي مكان تاني حتي لو شايف من وجهه نظرك انه المكان التاني ده ارخص في سعر اليوم

Descriptions



























TEDA SWISS INN PLAZA HOTEL & AQUA PARK

3rd Plot, North-West Gulf of Suez Economic Sector, Ain Soukhna 
tel : +20623392470 -1 - 2 -3 -4 -5

siteda@swissinn.net

Similar Products

3331257361582268584

Add a review