حل مشكلة ارتفاع حرارة السيارة

Not allow reviews

Descriptions

عربيتي bmw 318i e46 الموتور الابيض ١٨٠٠ سي سي 
في يوم الصبح طالع بالعربيه وكشفت علي المياه والزيت وكله تمام يدوب مشيت حوالي ٥٠٠ متر لقيت مؤشر الحراره عمال يزيد ومعدي ال ٩٠ وده مش طبيعي طبعا وقفت بسرعه وبطلت العربيه ونزلت فتحت الكبوت لقيت العربيه مش سخنه للدرجه بس لاحظت ان المروحه مش شغاله مع الدواره سبتها تبرد شويه وشيكت علي مستوي المياه في الردياتير لقيته مظبوط كنت هتجنن كلمت الميكانيكي قالي شوف خرطوم المياه اللي داخل للموتور لو ساقع والخرطوم الخارج سخن يبقي كده مياه التبريد اصلا مش بتوصل للموتور عشان تبرده كده الترموثتات اللي في الكوعه الاماميه باظت ومحتاجه تتغير ودي بتفتح المجال للمياه انها تدخل لجسم الموتور لما المياه بتوصل درجتها ل ٩٠ درجه مئويه ولما بتبوظ بتقفل خالص عشان كده تلاقي الخرطوم اللي داخل لجسم الموتور ساقع والخارج سخن 
المهم غيرنا الترموثتات دي بالكوعه حته واحده جديده هتلاقيها في حدود ٤٥٠ ج 
كده الدنيا تظبطت والمروحه اشتغلت ونظام التبريد بقي تمام بس للاسف لسه المؤشر علي العالي جدا والعربيه بارده 
وبالكشف بجهاز الكمبيوتر لقينا ان في حساس اخر للحراره بيكون في ضهر الموتور من ناحيه تابلوه العربيه كده قد عقله الصباع بايظ مش شغال اصلا مش مدي اي قرايه للعداد عشان كده العداد واقف علي الاخر خالص وتم تغيره طبعا ودع في حدود ١٠٠ ج استيراد 
الحمد لله المشكله اتحلت والمؤشر رجع علي ال. ٩٠ تاني ونظام التبريد بقي تمام 

Similar Products

1388539566674170068

Add a review