احذر خدعة “البيكسل” في موبايلك

reviews / Add a review
خدعة البيكسل مع انتشار “التصوير السلفى” و رغبة الجميع فى الإحتفاظ بصور لذكرياتهم و مشاهدتها فأى وقت ، تحاول شركات المحمول إغراء عشاق التصوير ، من خلال إقناعهم بالإكتفاء بالموبايل لإلتقاط أجمل الصور و بأعلى الإمكانيات من غير ما تشترى كاميرا أو معدات كثيرة للتصوير- و خاصة لو كانت غالية أو معقدة الإستخدام – . وممكن يقتنع البعض بالفكرة دى خاصة غير المتعمقين فعالم التصوير ، فما يجذبهم – خاصة مع تطور تكنولوجيا التصوير بشكل كبير – هو زيادة عدد الميجابكسل بالكاميرا ،لإعتقادهم ان كل ما زاد عدد الميجابكسل زادت فرصة الحصول على صورة أفضل . مثال : كاميرا موبايل 18 ميجابكسل أفضل بكثير من كاميرا موبايل 15 ميجابكسل و أفضل من كاميرا بروفيشنل 15 ميجابكسل أيضاً. و هى دى خدعة البيكسل فكاميرات الموبايل ، و علشان نقدر نوضح الموضوع لازم فالأول تعرف فكرة عمل الكاميرا عامة ، فبطريقة بسيطة – دون الدخول فتعقيدات كثيرة – ممكن نقول ان الضوء ينعكس من على الموضوع اللى بتصوره ، ليمر من خلال عدسة الكاميرا ليقوم السينسور من خلال البيكسل بحفظ هذا الضوء ، ليتم معجالته بعد ذلك لنحصل على الصورة بشكلها النهائى . و هنا يمكن نعرف الببكسل بانه وحدة حفظ للضوء – بمعنى ادق فونات الضوء – ، و بالتالى يمكن نقول ان سينسور الكاميرا يتكون من ملايين البيكسل اللى بتقوم بحفظ فونات الضوء المنعكس من الموضوع اللى بتصوره .

Descriptions


و كل ما كان حجم البيكسل أكبر كل ما زادت قدرته على الحفظ اى تسجيل تفاصيل أدق ، و دا بيتطلب ان حجم السينسور يكون كبير .
و لكن كل ما زاد عدد البيكسل كمجرد عدد بصرف النظر عن حجمه ، يمكن طباعة الصور بحجم أكبر بغض النظر عن جودة الصور و وضوحها ، و دا الى بيحصل لو عرضت الصور او طبعتها على شاشة او مقاس أكبر من حجم شاشة الموبايل بتكون مش واضحة .
و دا اللى بيحصل فالموبايلات بمعنى ان السينسور حجمه صغير ، لذلك تقوم الشركات بتصغير حجم البيكسل لزيادة العدد بمساحة صغيرة ، و بالتالى قدرته على حفظ تفاصيل الصورة تكون أقل عن سينسور بكاميرات بروفشنل التى تحتوى على سينسور حجمه أكبر ، اى ان الأهم فجودة الصورة هو حجم السينسور اى حجم البيكسل و ليس مجرد عدد الميجابكسل .
و دا مش معناه ان كاميرا الموبايل سيئة ، بس لازم تفكر فحاجات تانى غير موضوع البيكسل ، زى هل فيه فلاش فالموبايل علشان تقدر تصور حتى لو كانت إضاءة المكان اللى بتصور فيه سيئة ، و هل كاميرا الموبايل تسمح لك بخيارات مختلفة فى التصوير زى تثبيت حركة الموضوع اللى بتصوره ، أو انك تصور بانوراما او تصور “HDR ” ، فعلشان كده فكر قبل ما تختصر كاميرا الموبايل على مجرد عدد بيكسل .

Similar Products

6305401144776797216

Add a review