لكل مامى جديده اعرفى المفروض تلبسى طفلك ايه اول مايتولد

reviews / Add a review

Descriptions



عشان طفلك هو اغلى حاجه عندك اعرفى المفروض تلبسيه إيه أول ما يجى بالسلامه

اكثر ملابس مناسبه للأطفال حديث الولاده هى السيلوبت لانها بتكون ماسكه جسمه كويس وده بيحسسه بالامان فلو مولودك جاى فى الصيف ممكن تلبسيه سيلوبت خامته مش تقيله اوى وتحتيه ملابس داخليه قطن وتلفيه فى كوفرته ده كافى جدا ولو فى الشتا ممكن تزودى قطعه كمان تقيله لكن خلى بالك ماتزوديش عليه الملابس لان ده ممكن يدايقه جدا وكمان لو كانت خفيفه زياده عن اللازم ده مش كويس لصحته وهنا هقولك شوية نصايح اثناء ما انتى بتغيريله هدومه عشان تتجنبى نزلات البرد لا قدر الله

من الافضل انك تغسلى ملابس طفلك قبل ما يلبسها عشان تكون ناعمه على جلده اكتر وكمان عشان تتخلصى من أثر الكيماويات أثناء التصنيع

اتأكدى من درجة حرارة الغرفه انها مش بارده اوى واتأكدى ان كل حاجه هتحتاجيها للتغير جنبك عشان ماتتضريش تسيبيه لوحده

اتعودى دايما انك تحطى طفلك على مكان مريح وناعم لان بشرته بتكون رقيقه دا وأى حاجه خشنه ممكن تضايقه

لبسى طفلك بهدوء ونعومه ده بيحسسه بحنانك وخوفك عليه ماتستغربيش الاطفال بيحسوا بأمهاتهم أكثر حاجه فى الدنيا

Similar Products

8415200148587404748

Add a review