إدخلى مع جوزك فى حوار واكسبيه بكل ذكاء !! مش غريبه على فكره

reviews / Add a review

Descriptions




اكيد طبعا أى ست بتدخل فى حوار مع جوزها بتبقى عارفه ومتأكده انها مش هتاخد منه حق ولا باطل بس لاء طبعا اليأس مش عنوانا أبدااااا فانا جبتلكوا النهارده شوية حيل كده اعمليها قبل وأثناء الحوار عشان تطلعى كسبانه فى الاخر وبكل سلاسه

أولا :لازم تختارى الوقت المناسب اللى هتكلميه فيه وخصوصا لو الحوار فيه طلبات فلازم يكون هادى ومزاجه رايق

ثانيا :لازم يكون طريقة كلامك معاه هادية مش وقت استفزاز خاااالص عشان متخسريش الجوله من قبل ما تبتديها

ثالثا :اياكى واسلوب الهجوم يعنى مثلا لو انتى عايزه تخرجى مش لازم تقوليله "احنا مابنخرجش لييييييه" فى حين انك ممكن تقوليله "ايه رايك لو نخرج اخر الاسبوع" هنا انتى بتديله اختيارات ومش بيحس انك خانقاه حتى لو موافقش اكيد هيديكى معاد غير اخر الاسبوع المهم انك تبقى ضمنتى الخروجه وهنا انتى اللى كسبتى طبعا

رابعا : خليكى رقيقه ركزى "رقيييييقه" يعنى قبل ما تبدئى الكلام معاه قوليله انك عايزه منه طلب وتتمنى انه يوافق

خامسا :حسسيه بالتقدير يعنى مثلا تقوليله "انا مقدره انك بتتعب فى الشغل قد ايه وعارفه انك مشغول بس عايزه نخرج مع بعض شويه ونخصص شويه من الوقت لينا"وهكذا

سادسا :مهما كان رد فعله اوعى تنفعلى انتى وخليكى هاديه وعاتبيه بالراحه بدل ماتهاجميه وده غالبا هيخليه يهدا ويغير موقفه

سابعا :اخر نصيحه وهى المهمه أياكى والياس والاحباط اوعى تستسلمى خليه هو اللى يستسلم قدام حوارك الهادى واصرارك واسلوبك الراقى

وأخيرا "هنيئا لكى الجنه فى الاخره ومستشفى المجانين فى الدنيا" ههههههههه لا طبعا بهزر ركزى فى النصايح ونفذيها صح وان شاء الله تنالوا ما تتمنوه

Similar Products

223838583755905547

Add a review