اوعااااا تحجز في اوتوبيسات سوبر جيت غرب الدلتا وتعالي احكيلك تجربه شخصية

reviews / Add a review

Descriptions

اولا انت لازم تحجز قبلها ب حوالي ١٠ ساعات وطبعا هيقولك الاوتوبيس vip وهو ولا في ولا بي ولا حتي سي الباص معاده الساعه ١ صباحا جالنا متأخر ١/٢ ساعه عن ميعاده  ده غير الراجل الرخم اللي هيقابلك علي باب الاسانسير اللي هينزلك الجراج اللي هتركب منه وهيفضل يقولك كل سنه وانت طيب ياباشا (استفتحني ) ولا مدتهوش حاجه هيبوصلك بقرف وهيقفل عليك باب الاسانسير وانت خارج طبعا جوه في مكان انتظار الباصات الحمام ب ١ ج ولو دخلت هترجع من الريحه اصلا سيبك بقي من كل ده وتعالي اركب الباص هتلاقي الكراسي مش مريحه والتكييف شغال وعالي اوي ولو عايز تقفله او توطيه شويه عشان معاك طفل مثلا هتلاقي الزرار مكسور 
وحرقه الدم بقي اننا وقفنا نص ساعه علي البوابات عند كارفورالصحراوي عشان الموظف المحترم اللي حجز كرسي مكرر يعني حجز لاتنين ركاب كرسي واحد ده علي اساس ان كل مواطن ياخد مواطن علي حجره مثلا
كل ده والتذكره تمنها ٨٠ ج 
ويقولك في اي بي vip 
وهي مش محصله درجة عاشرة 
علي فكره باكو اللبان بيتباع جوه ب ٣ ج 
موظف الحجز بيبقي مبتسم قبل ما ياخد الفلوس وبعد ما تدفع بيبقي رخم ولو فكرت تسأله علي علي حاجه مش هيبصلك اصلا عشان خلاص خد فلوس التذاكر
الاوتوبيس ضلمه كحل مفيش لمبه ليد واحده 
محدش يضحك عليك ويقولك في دي في دي في الباص وهيشغلك فيلم علي ما توصل 
الكارثه بقي انك لما بتعمل سيرش عشان تلاقي رقم سوبر جيت غرب الدلتا موقف الترجمان بتلاقي اصلا ارقام قديمه ولما بتتصل بيها يا اما مقفول او غير موجود بالخدمة او مشغول علي طول فلازم تنزل تروح بنفسك
مكتوب علي التذكره انها لا ترد لاي سبب 
وكمان لو شنطتك ضاعت من الباص اقصي تعويض ١٠٠ ج 
اما عن طريق مصر اسكندريه الصحراوي فمفيش عمود نور واحد شغال 


                                              جميع الهواتف الهاي كوبي من هنا


Similar Products

8967370121574518324

Add a review