Top Ad unit 728 × 90

recent

بمناسبة رمضان تعالى اقولك ازاى تعملى كنافة صوابع احلى واروع من الجاهزه

أصابع الكنافه


هقولك النهارده على طريقة الكنافه بالقشطه الصوابع بطريقه سهله وبسيطه وان شاء الله تعجبك

المقادير للقشطه:

2كوب لبن حليب

4 ملاعق دقيق كبيره

4 ملاعق سكر كبيره

4 ملاعق نشا كبيره

معلقه صغيره ماء زهر

وكنافه شعر او طرح زي مابيقولو ولازم تكون طازه عشان تتلف معاكى ومتكونش هايشه

وشربات ميكونش خفيف ولا تقيل اوى

وزبده او سمنه

نيجى بقى للطريقه:

هتحطى كل مكونات القشطه مع بعض على النار وتفضلى تقلبى بمعلقه خشب عشان مش تخرز منك لحد ما القوام يتقل معاكى بعد كده نزليها من على النار وغطيها ببلاستيك فويل عشان ماتعملش وش وسيبيها تبرد

هتجيبى الكنافه الشعر وتقصي حته بمقاس 20 سم تقريبا وتاخدى منها خصله بعرض 5 سم وتغطى الباقى بفوطه نظيفه عشان مش تنشف منك

وتحطى عليها معلقه صغيره قشطه وتبرميها كويس مع ضغط خفيف عشان ماتفكش

بعد كده تحمريها فى السمنه او الزبده مع شويه زيت على النار ولما تطلعيها حطى عليها الشربات وزينيها زى ما تحبى وبالهنا والشف
بمناسبة رمضان تعالى اقولك ازاى تعملى كنافة صوابع احلى واروع من الجاهزه Reviewed by زهرة اللوتس on June 30, 2014 Rating: 5
All Rights Reserved by 7agat online © 2014 - 2015
Powered By Blogger, Designed by Sweetheme

Contact Form

Name

Email *

Message *

Contact us : (002) 01014752000 . Powered by Blogger.